32.8 C
Chennai
Sunday, May 19, 2024
capsicum masala
ஆரோக்கிய உணவு

சுவையான குடைமிளகாய் மசாலா

குடைமிளகாயில் வைட்டமின் சி நிறைந்துள்ளது. தற்போதைய சூழ்நிலையில், இந்த காய்கறியை உங்கள் உணவில் அடிக்கடி சேர்ப்பது உங்கள் நோய் எதிர்ப்பு சக்தியை வலுவாக வைத்திருக்க உதவும். குடைமிளகாய் கொண்டு பல சமையல் வகைகள் செய்யலாம். அதில் ஒன்று சில்லி மசாலா. இந்த மிளகாய் மசாலா சாதம் மட்டுமின்றி, சப்பாத்தி, பர்கா, பூரி போன்றவற்றுக்கும் நன்றாக இருக்கும். மேலும் குழந்தைகள் முதல் பெரியவர்கள் வரை அனைவரும் சாப்பிடலாம்.

 

தேவையான பொருட்கள்:

* பெரிய வெங்காயம் – 2 (நறுக்கியது)

* இஞ்சி – 2 டீஸ்பூன் (பொடியாக நறுக்கியது)

* பூண்டு – 4-5 (பொடியாக நறுக்கியது)

* துருவிய தேங்காய் – 6 டேபிள் ஸ்பூன்

* வேர்க்கடலை – 2 டேபிள் ஸ்பூன்

* வெள்ளை எள்ளு – 1 டேபிள் ஸ்பூன்

* மல்லி விதைகள் – 1 டேபிள் ஸ்பூன்

* கசகசா – 1 டீஸ்பூன்

* வேர்க்கடலை எண்ணெய் – 2 டேபிள் ஸ்பூன்

* புளி – 1 டீஸ்பூன்

* தண்ணீர் – தேவையான அளவு

பிற பொருட்கள்….

* எண்ணெய் – 2 டேபிள் ஸ்பூன்

* கடுகு – 1/2 டீஸ்பூன்

* வெந்தயம் – 1/4 டீஸ்பூன்

* கறிவேப்பிலை – சிறிது

* தக்காளி – 1 (நறுக்கியது)

* குடைமிளகாய் – 4-5 (நீள நீளமாக நறுக்கியது)

* மஞ்சள் தூள் – சிறிது

* மிளகாய் தூள் – 1 டீஸ்பூன்

* தண்ணீர் – 1 கப்

* வெல்லம் – 1/2 டீஸ்பூன்

* உப்பு – சுவைக்கேற்ப

* கொத்தமல்லி – சிறிது

செய்முறை:

* முதலில் ஒரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி சூடானதும், வேர்க்கடலை, வெள்ளை எள்ளு, மல்லி மற்றும் கசகசா சேர்த்து குறைவான தீயில் 3-4 நிமிடம் வறுக்க வேண்டும்.

* பின் அதில் இஞ்சி, பூண்டு சேர்த்து ஒரு நிமிடம் வதக்கி, வெங்காயத்தை சேர்த்து நன்கு வதக்க வேண்டும். சிறிது உப்பு சேர்த்துக் கொண்டால், வெங்காயம் சீக்கிரம் வெந்துவிடும்.

* பின்பு அதில் துருவிய தேங்காயை சேர்த்து 7-8 நிமிடம் வதக்கி இறக்கி, குளிர வைக்க வேண்டும்.

* பிறகு அதை மிக்சர் ஜாரில் போட்டு, அத்துடன் புளியையும் சேர்த்து, சிறிது நீர் ஊற்றி, நன்கு மென்மையாக அரைத்துக் கொள்ள வேண்டும்.

* பின்னர் ஒரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி சூடானதும், கடுகு, வெந்தயம், கறிவேப்பிலை சேர்த்து தாளித்து, பின் தக்காளியை சேர்த்து நன்கு மென்மையாகும் வரை வதக்க வேண்டும்.

* பின் அதில் குடைமிளகாயை சேர்த்து மிதமான தீயில் 3-4 நிமிடம் வதக்க வேண்டும்.

* அடுத்து, அதில் அரைத்த மசாலாவை சேர்த்து, மஞ்சள் தூள் மற்றும் மிளகாய் தூள் சேர்த்து, சிறிது நீர் ஊற்றி 2 நிமிடம் வதக்க வேண்டும்.

* பின் அதில் ஒரு கப் நீர் ஊற்றி கிளறி, வெல்லம் மற்றும் சுவைக்கேற்ப உப்பு சேர்த்து கிளறி, கரம் மசாலா பொடியைத் தூவி குறைவான தீயில் 15 நிமிடம் கொதிக்க வைத்து இறக்கினால், சுவையான குடைமிளகாய் மசாலா தயார்.

Related posts

இரத்தத்தில் இருக்கும் கொழுப்பையே நொடியில் அடித்து விரட்டும் அற்புத சூப்!அற்புதமான எளிய தீர்வு

nathan

உங்களுக்கு தெரியுமா சிறுநீரகப் பிரச்சனைகளை தீர்க்கக்கூடிய மருத்துவம் குணம் கொண்ட மக்காச்சோளம்..!

nathan

பெண்களே தெரிஞ்சிக்கங்க…ஒல்லியாக விடாமல் தடுக்கும் உணவுகள்!!!

nathan

ஒவ்வொரு ராசிக்காரர்களிடமும் உள்ள மற்றவர்களை ஈர்க்கும் குணம் என்னனு தெரிஞ்சுக்கணுமா?

nathan

சுவையான உடலுக்கு வலுசேர்க்கும் மாதுளை – பீட்ரூட் சூப்..

nathan

இரும்புச்சத்து அதிகம் நிறைந்த சாமை

nathan

தக்காளி சாப்பிடுவதால் இவ்வளவு ஆபத்தா?தெரிஞ்சிக்கங்க…

nathan

தெரிஞ்சிக்கங்க…எந்த மிளகாயை சாப்பிட்டால் உடலில் உள்ள கொழுப்பு எரியும் தெரியுமா? பச்சை மிளகாயை அதிகம் சாப்பிட்டால் ஆபத்தா?

nathan

கருப்பை நீர்க்கட்டியால குழந்தை பாக்கியம் தள்ளிப்போகுதா?உங்களுக்குதான் இந்த விஷயம்

nathan