தேவையான பொருட்கள்:
* அன்னாசி – 1 கப்
* புளிச்சாறு – 1/4 கப்
* வெல்லம் – 5 டீஸ்பூன்
* மஞ்சள் தூள் – 1/2 டீஸ்பூன்
* உப்பு – சுவைக்கேற்ப
அரைப்பதற்கு…
* எள்ளு – 2 டேபிள் ஸ்பூன்
* எண்ணெய் – 3 டீஸ்பூன்
* உளுத்தம் பருப்பு – 2 டீஸ்பூன்
* வெந்தயம் – 1/2 டீஸ்பூன்
* காஷ்மீரி வரமிளகாய் – 6
* கறிவேப்பிலை – சிறிது
* துருவிய தேங்காய் – 3/4 கப்
* தண்ணீர் – 1/2 கப்
தாளிப்பதற்கு…
* தேங்காய் எண்ணெய் – 2 டீஸ்பூன்
* கடுகு – 1 டீஸ்பூன்
* வரமிளகாய் – 1
* கறிவேப்பிலை – சிறிது
செய்முறை:
* முதலில் அன்னாசியை ஒரு வாணலியில் போட்டு, நீரை ஊற்றி, அடுப்பில் வைத்து 10 நிமிடம் வேக வைக்க வேண்டும்.
* அதே வேளையில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், அரைப்பதற்கு கொடுத்துள்ள பொருட்களை ஒவ்வொன்றாக சேர்த்து வதக்கி இறக்கிக் கொள்ள வேண்டும்.
* பின்பு அதை மிக்சர் ஜாரில் போட்டு, அத்துடன் தேங்காய் சேர்த்து, சிறிது நீரை ஊற்றி நன்கு மென்மையாக அரைத்துக் கொள்ள வேண்டும்.
Pineapple Masala Recipe In Tamil
* அன்னாசி வெந்ததும், அதில் புளிச்சாறு, வெல்லம், மஞ்சள் தூள் மற்றும் சுவைக்கேற்ப உப்பு சேர்த்து கிளறி, மூடி வைத்து, 15 நிமிடம் மிதமான தீயில் வைத்து வேக வைக்க வேண்டும்.
* பின் அதில் அரைத்த மசாலாவை சேர்த்து, தேவையான அளவு நீரை ஊற்றி, 10 நிமிடம் குறைவான தீயில் வைத்து நன்கு கொதிக்க வைத்து இறக்க வேண்டும்.
* பின்னர் ஒரு வாணலியை அடுப்பில் வைத்து அதில் எண்ணெய் ஊற்றி சூடானதும், தாளிப்பதற்கு கொடுத்துள்ள கடுகு, வரமிளகாய், கறிவேப்பிலை சேர்த்து தாளித்து, சப்ஜியுடன் சேர்த்து கிளறினால், சுவையான அன்னாசி மசாலா தயார்.
