சர்க்கரை நோயாளிகள், டயட்டில் இருப்பவர்கள் அடிக்கடி சுண்டல் செய்து சாப்பிடலாம். இன்று சத்துக்கள் நிறைந்த கருப்பு கொண்டைக்கடலை மசாலா சுண்டல் செய்வது எப்படி என்று பார்க்கலாம்.
கருப்பு கொண்டைக்கடலை மசாலா சுண்டல்
தேவையான பொருட்கள் :
கருப்பு கொண்டைக்கடலை – ஒரு கப்,
சோம்பு – கால் டீஸ்பூன்,
பட்டை – சிறிய துண்டு,
கிராம்பு, ஏலக்காய் – தலா ஒன்று,
புதினா – சிறிதளவு,
காய்ந்த மிளகாய் – 3,
கரம்மசாலா தூள் – அரை ஸ்ஹபூன்
தேங்காய் துருவல் – 3 டேபிள்ஸ்பூன்,
எண்ணெய், உப்பு – தேவையான அளவு.
செய்முறை :
* கருப்பு கொண்டைக்கடலையை 8 மணி நேரம் ஊறவைத்த பின் குக்கரில் போட்டு வேக வைத்து தண்ணீரை வடித்து வைக்கவும்.
* வாணலியில் எண்ணெயை சூடாக்கி, காய்ந்த மிளகாய், சோம்பு, பட்டை, கிராம்பு, ஏலக்காய் தாளித்து, புதினா சேர்த்து வதக்கவும்.
* அடுத்து அதனுடன் வெந்த கொண்டைக்கடலை, தேவையான உப்பு, கரம்மசாலாதூள், தேங்காய் துருவல் சேர்த்து கிளறி இறக்கவும்….
* சூப்பரான மசாலா சுண்டல் தயார். 
