பீட்ரூட் சூப்

என்னென்ன தேவை?

துருவிய பீட்ரூட் – 3/4 கப்,
கேரட் – 1/2 கப்,
லேசாக நறுக்கிய பெரிய வெங்காயம் – 1/2 கப்,
உருளைக்கிழங்கு – 1/2 கப்,
முட்டைகோஸ் – 3/4 கப்,
தக்காளி – 1/2 கப்,
மல்லித்தழை – 4 டீஸ்பூன்,
வெஜிடபிள் சூப் ஸ்டாக் கியூப் – 1,
ஆரஞ்சு ஜூஸ் – 2 பழத்தில் எடுத்தது,
ஆலிவ் எண்ணெய் – 1 டீஸ்பூன்,
உப்பு, மிளகு – தேவைக்கு,
தண்ணீர் – 3 கப்,
கெட்டித் தயிர் – 2 டேபிள்ஸ்பூன்.

எப்படிச் செய்வது?

எண்ணெயை சூடாக்கி வெங்காயம் சேர்த்து 1 நிமிடம் வதக்கவும். பீட்ரூட், உருளைக்கிழங்கு, கேரட், முட்டைகோஸ், தக்காளி சேர்த்து 2 நிமிடம் மிதமான தீயில் வதக்கவும். தண்ணீர் மற்றும் வெஜிடபிள் ஸ்டாக் கியூப் சேர்த்து 7 நிமிடங்கள் வேக விடவும். ஆரஞ்சு ஜூஸ், மிளகு, உப்பு சேர்த்து, மேலே கெட்டித் தயிர், மல்லித்தழை தூவி பிரெட்டுடன் சூடாக பரிமாறவும்.