சத்தான ஸ்நாக்ஸ் தினை – உருளைக்கிழங்கு கட்லெட்

சிறுதானியங்களை உணவில் அடிக்கடி சேர்த்து கொள்வது நல்லது. இன்று தினை, உருளைக்கிழங்கை வைத்து சத்தான கட்லெட் செய்வது எப்படி என்று பார்க்கலாம்.

சத்தான ஸ்நாக்ஸ் தினை – உருளைக்கிழங்கு கட்லெட்
தேவையான பொருட்கள் :

உருளைக்கிழங்கு – 2,
தினை அரிசி – ஒரு கப்,
இஞ்சி பூண்டு விழுது – அரை டீஸ்பூன்,
பச்சை மிளகாய் விழுது – ஒரு டீஸ்பூன்,
பச்சைப் பட்டாணி – கால் கப்,
கேரட் – 2,
உப்பு, எண்ணெய் – தேவைக்கு ஏற்ப,
கொத்தமல்லி, புதினா – சிறிதளவு.

செய்முறை :

* தினை அரிசியை வேகவைத்து கொள்ளவும்.

* உருளைக்கிழங்கு. பச்சை பட்டாணியை வேக வைத்து மசித்து கொள்ளவும்.

* கேரட்டை துருவிக்கொள்ளவும்.

* ஒரு பாத்திரத்தில் வேக வைத்து உருளைக்கிழங்கை போட்டு அதனுடன், வேகவைத்த தினை அரிசி, இஞ்சி பூண்டு விழுது, பச்சைமிளகாய் விழுது, வேகவைத்த பச்சைப்பட்டாணி, துருவிய கேரட், உப்பு, கொத்தமல்லி, புதினா சேர்த்துப் பிசைந்துகொள்ளவும்.

* பிசைந்த மாவை, விருப்பமான வடிவில் தட்டி (தட்டையாகவோ, நீளமாக உருட்டியோ) வைக்கவும்.

* தோசைகல்லை அடுப்பில் வைத்து சூடானதும் உருட்டி வைத்துள்ள கட்லெட்டுகளை போட்டு, சுற்றிலும் எண்ணெய் விட்டு இருபுறமும் சிவக்கவிட்டு எடுத்தால், கட்லெட் தயார்.

* தினை உருளைக்கிழங்கு கட்லெட் ரெடி.