உங்களுக்கு முட்டை பீன்ஸ் பொரியல் செய்ய தெரியுமா?

தோசை, சப்பாத்தி, பூரி, சாத்திற்கு தொட்டுக்கொள்ள இந்த முட்டை பீன்ஸ் பொரியல் அருமையாக இருக்கும். இன்று இந்த பொரியலை செய்வது எப்படி என்று பார்க்கலாம்.

முட்டை பீன்ஸ் பொரியல் செய்வது எப்படி
தேவையான பொருட்கள் :

முட்டை – 3
நெய் – தேவையான அளவு
பீன்ஸ் – 250 கிராம்
பச்சைமிளகாய் – 4
[பாட்டி மசாலா] மஞ்சள்தூள் – 1/2 தேக்கரண்டி
கொத்தமல்லித்தழை – சிறிதளவு
வெங்காயம் – 2
கறிவேப்பிலை – சிறிதளவு
உப்பு – தேவையான அளவு

செய்முறை :

பீன்ஸ், ப.மிளகாய், கொத்தமல்லி, வெங்காயத்தை பொடியாக நறுக்கி கொள்ளவும்.

கடாயை அடுப்பில் வைத்து சிறிது நெய் ஊற்றி சூடானதும் வெங்காயம், கறிவேப்பிலை, ப.மிளகாயை போட்டு வதக்கவும்.

வெங்காயம் வதங்கியதும் பீன்ஸ் போட்டு வதக்கவும்.

அடுத்து அதில் [பாட்டி மசாலா] மஞ்சள்தூள், உப்பு சேர்த்து வதக்கவும்.

பீன்ஸ் நன்றாக வெந்தும் அதில் முட்டையை உடைத்து ஊற்றி கைவிடாமல் கிளறி விடவும்.

முட்டை நன்றாக வெந்து உதிரியாக வந்தவுடன் கடைசியாக கொத்தமல்லி தழை தூவி இறக்கி பரிமாறவும்.

சூப்பரான முட்டை பீன்ஸ் பொரியல் ரெடி.

Leave a Reply

error: Content is protected !!