கோழி – 1 முழுதாக
பெரிய வெங்காயம் – 5
இஞ்சி, பூண்டு
மிளகாய் தூள் – 2 தேக்கரண்டி
சீரகம் – 1 தேக்கரண்டி
தனியா தூள்- 1 தேக்கரண்டி
வினிகர் – 2 தேக்கரண்டி
தயிர் – அரை கப்
வெண்ணெய் – 1 மேஜைக்கரண்டி
எலுமிச்சம் பழம்
உப்பு
கிராம்பு தூள்
தந்தூரி சிக்கனை சமைக்க ஓவன் வேண்டும்.
இஞ்சி, பூண்டு, வெங்காயத்தை அரைத்துக் கொள்ளவும்.
தயிரை அடித்து அதனுடன் இந்த விழுதையும், மிளகாய் தூள், தனியாத்தூள், சீரகம், கிராம்பு தூள், வினிகர், எலுமிச்சாம் சாறு, வெண்ணெய், உப்பு எல்லாம் சேர்த்து கிளறி வைக்கவும்.
கோழியை முழுசாக வைத்துக் கொண்டு வயிற்றுப் பகுதியை மட்டும் கீறி சுத்தம் செய்யவும்.
இப்படியே கடையில் கேட்டாலும் தருவார்கள்.
தசைப் பகுதியில் அங்கங்கே கத்தியால் கீறிவிடவும்.
தயிரில் கலந்த மசாலாவை வயிற்றுப் பகுதியில் கொஞ்சம் வைக்கவும். மீதத்தை கோழியின் மீது நன்கு தடவி சில மணி நேரம் ஊற வைக்கவும்.
ஊறவைத்த கோழியை ஓவனில் வேக விடவும். 20 அல்லது 40 நிமிடங்களில் தந்தூரி சிக்கன் தயார்.
