ஃப்ரைடு பொடி இட்லி

தேவையான பொருட்கள்:

இட்லி மாவு – 2 கப்
இட்லிப் பொடி – 3 டேபிள் ஸ்பூன்
வெங்காயம் – 2
கறிவேப்பிலை – சிறிது
கொத்தமல்லி – சிறிது
எலுமிச்சை சாறு – 1 டேபிள் ஸ்பூன்
உப்பு – தேவையான அளவு
எண்ணெய் – தேவையான அளவு

செய்முறை:

• இட்லி மாவை சிறு சிறு இட்லிகளாக ஊற்றி, வேக வைத்துக் கொள்ள வேண்டும்.

• கொத்தமல்லி, வெங்காயத்தை பொடியாக நறுக்கி கொள்ளவும்.

• ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கறிவேப்பிலையை போட்டு தாளித்த பின் வெங்காயத்தை சேர்த்து சிறிது உப்பை தூவி, பொன்னிறமாக வதக்க வேண்டும்.

• பிறகு வேக வைத்துள்ள சிறு சிறு இட்லிகளை, அத்துடன் சேர்த்து, இட்லிப் பொடி, எலுமிச்சை சாறு மற்றும் கொத்தமல்லி சேர்த்து கிளறி இறக்க வேண்டும்.

• இப்போது ஃப்ரைடு இட்லி ரெடி. இட்லி சாப்பிடாத குழந்தைகள் கூட இதை விரும்பி சாப்பிடுவார்கள்.