மட்டன் கைமா கிரேவி

தேவையான பொருட்கள்:

* மட்டன் கைமா – 300 கிராம்

* தக்காளி – 1 (நறுக்கியது)

* பெரிய வெங்காயம் – 1 (நறுக்கியது)

* பூண்டு – 3 பல் (நறுக்கியது)

* அரிசி கழுவிய தண்ணீர் – 1/2 கப்

* தண்ணீர் – 1/2 கப்

* கொத்தமல்லி – சிறிது

* மிளகாய் தூள் – 1 டீஸ்பூன்

* மல்லித் தூள் – 1 1/2 டீஸ்பூன்

* மஞ்சள் தூள் – 1/4 டீஸ்பூன்

தாளிப்பதற்கு…

* எண்ணெய் – 2 டீஸ்பூன்

* பட்டை – 1/4 இன்ச்

* கிராம்பு – 2

* கறிவேப்பிலை – சிறிது

* பிரியாணி இலை – 1

அரைப்பதற்கு…

* துருவிய தேங்காய் – 1/4 கப்

* சோம்பு – 1/2 டீஸ்பூன்[penci_related_posts dis_pview=”no” dis_pdate=”no” title=”” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]

செய்முறை:

* முதலில் மட்டன் கைமாவை நீரில் 2 முறை நன்கு அலசிக் கொள்ள வேண்டும். பின் அதில் ஒரு சிட்டிகை மஞ்சள் தூள் சேர்த்து பிரட்டி, மீண்டும் 2 முறை நீரில் அலசி, நீரை முற்றிலும் வடிகட்டி தனியாக வைத்துக் கொள்ள வேண்டும்.

* பின்பு குக்கரை அடுப்பில் வைத்து, அதில் எண்ணெய் ஊற்றி சூடானதும், பட்டை, கிராம்பு, கறிவேப்பிலை சேர்த்து தாளிக்கவும்.

* பின் அதில் வெங்காயம் மற்றும் பூண்டு சேர்த்து நன்கு வதக்கவும். அதன் பின் தக்காளியை சேர்த்து, மென்மையாகும் வரை வதக்கவும்.

* பிறகு மட்டன் கைமாவை சேர்த்து கிளறி 5 நிமிடங்கள் நன்கு வேக வைக்கவும்.

* அதன் பின் மிளகாய் தூள், மல்லித் தூள் சேர்த்து 2 நிமிடம் வதக்கி, பின் அதில் அரிசி கழுவிய நீர் மற்றும் சாதாரண நீரை ஊற்றி, உப்பு சேர்த்து கிளறி, குக்கரை மூடி 7-8 விசில் விட்டு இறக்கவும்.

* அதற்குள் ஜாரில் தேங்காய் மற்றும் சோம்பு சேர்த்து நன்கு அரைத்துக் கொள்ளவும்.

* விசிலானது போனதும், குக்கரைத் திறந்து, அதில் அரைத்த தேங்காய் சேர்த்து, கிரேவிக்குத் தேவையான அளவு நீரை ஊற்றி, மீண்டும் அடுப்பில் வைத்து 0 நிமிடம் கொதிக்க வைத்து இறக்கி, கொத்தமல்லியை மேலே தூவினால், மட்டன் கைமா கிரேவி தயார்.