33.4 C
Chennai
Sunday, May 11, 2025
201605041258373012 Belly for men to know what the reason SECVPF
ஆரோக்கியம் குறிப்புகள்

குனிந்து பாதத்தை பார்க்க முடியாத அளவு தொப்பை மறைக்குதா?

இன்று பலர் அலுவலக வேலைகளை வீட்டில் இருந்தே செய்து வருகின்றனர். இதன் காரணமாக, பலர் உடல் செயல்பாடு குறைந்து, எடை அதிகரிப்பால் பாதிக்கப்படுகின்றனர். அதிலும் குறிப்பாக வயிற்றைச் சுற்றி கொழுப்பு படிந்து, பாதம் பார்க்க முடியாத அளவுக்கு குண்டாக இருப்பவர்கள் ஏராளம். வயிற்றில் தேங்கியிருக்கும் கொழுப்பைக் கரைப்பது உடலுக்குக் கடினம். உடலில் கொழுப்பு சேர்வது வளர்சிதை மாற்றத்தை குறைக்கிறது மற்றும் பல்வேறு இதய நோய்களின் அபாயத்தை அதிகரிக்கிறது.

வேறு வார்த்தைகளில் கூறுவதானால், பசியுள்ளவர்களுக்கு இதய நோய் ஆபத்து அதிகம். தொப்பையை குறைக்க பலர் கடுமையான உணவு முறைகளையும் உடற்பயிற்சிகளையும் பின்பற்றுகின்றனர். ஆனால் எல்லோராலும் இதைச் செய்ய முடியாது. சிலர் எளிய முறையில் தொப்பையை குறைக்க விரும்புவார்கள். அத்தகையவர்கள் கொழுப்பைக் குறைக்கும் திறன் கொண்ட உணவுகளைத் தேர்ந்தெடுக்கலாம்.

வீட்டு சமையலறைகளில் கொழுப்பு எரியும் பொருட்கள் நிறைந்துள்ளன. இவற்றை தினமும் உட்கொள்வதன் மூலமும், தொடர்ந்து உடற்பயிற்சி செய்வதன் மூலமும், ஆரோக்கியமான முறையில் தொப்பையை குறைக்கலாம்.

இஞ்சி டீ
இஞ்சி டீ அதன் மருத்துவ பண்புகளுக்கு மக்களிடையே பிரபலமானது. இஞ்சி டீயைக் குடிப்பதன் மூலம் தொண்டை புண் முதல் மாதவிடாய் கால அசௌகரியம் வரை பலவற்றில் இருந்து விடுபடலாம். ஆனால் இஞ்சி டீ தொப்பை மற்றும் உடல் எடையைக் குறைக்க உதவும் என்பது தெரியுமா? இஞ்சி ஒரு தெர்மோஜெனிக் பொருள் ஆகும். அதாவது இது உடல் வெப்பத்தை அதிகரித்து, கொழுப்புக்களைக் கரைக்க உதவுகிறது. எனவே நீங்கள் உங்கள் தொப்பையை எளிய வழியில் குறைக்க விரும்பினால், சாதாரண டீக்கு பதிலாக இஞ்சியை நீரில் தட்டிப் போட்டு தேன் சேர்த்து, இஞ்சி டீ தயாரித்து குடித்து வாருங்கள்.

ஆப்பிள் சீடர் வினிகர்

ஆப்பிள் சீடர் வினிகர் உணவிற்கு நல்ல ப்ளேவரைக் கொடுப்பதோடு மட்டுமின்றி, வயிற்றுப் பகுதியில் சுற்றியுள்ள கொழுப்புக்களைக் கரைத்து உடல் எடையைக் குறைக்கவும் உதவுகிறது. முக்கியமாக இது பசியைக் கட்டுப்படுத்தி நீண்ட நேரம் வயிற்றை நிரப்பி வைத்திருப்பதனால், தொப்பையைக் குறைக்க உதவுகிறது. அதற்கு உணவு உண்பதற்கு முன் 1-2 டீஸ்பூன் ஆப்பிள் சீடர் வினிகரை நீரில் கலந்து குடிக்க வேண்டும்.

பாதாம்

பாதாம் ஒரு நல்ல ஆரோக்கியமான ஸ்நாக்ஸ். இது அடிவயிற்றுக் கொழுப்பைக் குறைக்க உதவுகிறது. அதோடு என்ன தான் பாதாமில் கலோரிகள் இருந்தாலும், இது உடல் எடையைக் குறைக்க பெரிதும் உதவி புரியும். ஏனெனில் பாதாமில் ஒமேகா-3 கொழுப்பு அமிலங்கள் உள்ளன. இவை உடலில் தேங்கியுள்ள கொழுப்புக்களைக் கரைத்து உடல் எடையைக் குறைக்க உதவுகிறது.

பூண்டு
பூண்டு உடல் பருமனைத் தடுக்கும் ஒரு சக்தி வாய்ந்த உணவுப் பொருள். முக்கியமாக பூண்டு உடலில் கொழுப்பு தேங்குவதைக் குறைக்கிறது என்பது ஆய்வுகளில் நிரூபிக்கப்பட்டுள்ளது. கூடுதலாக, பூண்டு சாப்பிடுவதன் மூலம் உடல் முழுவதும் இரத்த ஓட்டம் சீராக இருக்கும் மற்றும் வேகமான எடை இழப்பிற்கு உதவும். அதற்கு அன்றாட உணவில் பூண்டு சேர்க்கலாம் அல்லது தினமும் ஒரு பல் பூண்டை பச்சையாக சாப்பிட்டு ஒரு டம்ளர் வெதுவெதுப்பான நீரைக் குடிக்கலாம்.

கற்றாழை

கற்றாழை ஜூஸ் உடல் எடையை வேகமாக குறைக்க உதவும் ஒரு அற்புதமான பானம். கற்றாழையில் உள்ள ஸ்டெரால்கள் அடிவயிற்றில் உள்ள கொழுப்பின் அளவைக் குறைப்பதாக ஆய்வுகளில் நிரூபிக்கப்பட்டுள்ளது. இருப்பினும், கற்றாழை ஜூஸை மிதமான அளவில் குடிக்க வேண்டும். ஏனெனில் இது ஒரு மலமிளக்கி. அளவுக்கு அதிகமாக கற்றாழை ஜூஸை குடித்தால், வயிற்றுப் போக்கு ஏற்பட்டு, உடல் பலவீனமாகிவிடும். எனவே கற்றாழை ஜூஸை அளவாக குடித்து பயன் பெறுங்கள்.

கறிவேப்பிலை

நாம் சமையலில் சேர்க்கும் கறிவேப்பிலையை தூக்கி எறிவோம். ஆனால் கறிவேப்பிலையை தினமும் காலையில் வெறும் வயிற்றில் சிறிது சாப்பிட்டால், உடலின் மூலை முடுக்குகளில் உள்ள கெட்ட கொழுப்புக்கள் எளிதில் கரைந்துவிடும். இப்படி தினமும் செய்து வந்தால், விரைவில் உடலில் ஒரு நல்ல மாற்றம் தெரியும்.

Related posts

உங்களுக்கு தெரியுமா அடிக்கடி சிறுநீர் வர காரணம் இதுதான்..?

nathan

மூட்டைப் பூச்சிகளை விரட்ட அட்டகாசமான சில வழிகள்!!!

nathan

உங்களுக்கு இதுல எந்த மாதிரி தொப்பை இருக்குன்னு சொல்லுங்க.. அதை குறைக்கும் தீர்வுதான் இது.!

nathan

குழந்தைகளை குறிவைக்கும் போதை சாக்லெட்…உஷார்…

nathan

பற்களைத் துலக்கும் போது நம்மை அறியாமல் நாம் செய்யும் 8 தவறுகள்!

nathan

மாதவிடாய் கோளாறால ரத்தப் போக்கு அதிகமா வந்தாலும் ஆபத்து.

nathan

ஆண்களே தெரிஞ்சிக்கங்க…ஃபர்சனாலிட்டியை வெளிப்படுத்தும் 8 விஷயங்கள்!!!

nathan

மிளகு தண்ணீரை குடிப்பதால் உடலில் ஏற்படும் மாற்றங்கள்…

nathan

எது காயகல்பம்? நலம் நல்லது

nathan