தேவையான பொருட்கள்:
சிக்கனை வேக வைப்பதற்கு…
* சிக்கன் – 1 கிலோ
* மிளகாய் தூள் – 1 டேபிள் ஸ்பூன்
* உப்பு – சுவைக்கேற்ப
* கரம் மசாலா – 1 டேபிள் ஸ்பூன்
* எலுமிச்சை சாறு – 2 டேபிள் ஸ்பூன்
கிரேவிக்கு…
* எண்ணெய் – 4 டேபிள் ஸ்பூன்
* சோம்பு – 1 டேபிள் ஸ்பூன்
* வெங்காயம் – 2 (நறுக்கியது)
* தக்காளி – 3 (நறுக்கியது)
* பச்சை குடைமிளகாய் – 2 (நறுக்கியது)
* மிளகாய் தூள் – 1 டேபிள் ஸ்பூன்
* மல்லித் தூள் – 2 டேபிள் ஸ்பூன்
* கரம் மசாலா – 1 டேபிள் ஸ்பூன்
* தக்காளி கெட்சப் – 1/4 கப்
* உப்பு – சுவைக்கேற்ப
* தண்ணீர் – தேவையான அளவு
* கொத்தமல்லி – சிறிது[penci_related_posts dis_pview=”no” dis_pdate=”no” title=”” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]
செய்முறை:
* முதலில் சிக்கனை நன்கு கழுவிக் கொள்ள வேண்டும்.
* பின்னர் குக்கரில் சிக்கனுடன், அதை வேக வைப்பதற்கு கொடுத்துள்ள பொருட்களையும் சேர்த்து கிளறி, குக்கரை மூடி குறைவான தீயில் 2 விசில் விட்டு இறக்கிக் கொள்ள வேண்டும்.
* குக்கர் விசில் போனதும், குக்கரைத் திறந்து தனியாக வைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், வெங்காயம், குடைமிளகாய் சேர்த்து 5 நிமிடம் வதக்கி, தக்காளியை சேர்த்து மீண்டும் 5 நிமிடம் வதக்கி இறக்கி குளிர வைக்க வேண்டும்.
* பின் அதை மிக்சர் ஜாரில் போட்டு நன்கு அரைத்துக் கொள்ள வேண்டும்.
* பிறகு ஒரு வாணலியை அடுப்பில் வைத்து, அதில் 2 டேபிள் ஸ்பூன் எண்ணெய் ஊற்றி சூடானதும், சோம்பு சேர்த்து தாளிக்க வேண்டும்.
* பின் அரைத்த மசாலாவை சேர்த்து கிளறி, 5-10 நிமிடம் வேக வைக்க வேண்டும்.
* அடுத்து அதில் மசாலா பொடிகள், தக்காளி கெட்சப், சுவைக்கேற்ப உப்பு சேர்த்து கிளறி, 5-8 நிமிடம் எண்ணெய் தனியாக பிரியும் வரை நன்கு வதக்க வேண்டும்.
* பின்னர் அதில் வேக வைத்துள்ள சிக்கனை நீருடன் சேர்த்து நன்கு கிளறி, வேண்டுமானால் சிறிது நீரையும் ஊற்றி கிளறி, 15 நிமிடம் குறைவான தீயில் கொதிக்க வைத்து இறக்கி, மேலே கொத்தமல்லியைத் தூவினால், குடைமிளகாய் சிக்கன் கிரேவி தயார்.
