தேவையான பொருட்கள் :
நெத்திலி மீன் – கால் கிலோ
எண்ணெய் – 2 டேபிள்ஸ்பூன்
பச்சை மிளகாய் – 2
பூண்டு – 4 பல்
சின்ன வெங்காயம் – 150 கிராம்
மாங்காய் – சிறியது 1
உப்பு – தேவைக்கு
கருவேப்பிலை – 2 இணுக்கு.
அரைத்துக் கொள்ள:
தேங்காய் – 4 டேபிள்ஸ்பூன்
காய்ந்த மிளகாய் – 2
மஞ்சள் தூள் – கால் டீஸ்பூன்
செய்முறை:
• சின்ன வெங்காயம், ப.மிளகாய், பூண்டை பொடியாக நறுக்கி கொள்ளவும்.
• நெத்திலி மீனின் தலை மற்றும் வயிற்றை சுத்தம் செய்து முள்ளை உருவி நான்கு முறை தண்ணீர் வைத்து அலசி வடித்து வைக்கவும்.
• மாங்காயை நீளவாக்கில் வெட்டிக் கொள்ளவும்.
• மிளகாய் வற்றல், மஞ்சள் தூள், தேங்காய் சேர்த்து அரைத்து வைக்கவும்.
• மண் சட்டியில் எண்ணெய் விட்டு காய்ந்ததும் நறுக்கிய பச்சை மிளகாய், பூண்டு சேர்த்து நன்கு வதக்கவும்.
• நறுக்கிய வெங்காயம் சேர்த்து நன்றாக வதக்கவும்.
• அடுத்து அதில் மாங்காய் சேர்க்கவும். மாங்காய் சேர்த்த சிறிது நேரத்தில் நெத்திலி மீன் சேர்க்கவும்.
• சிறிது உப்பு அளவாய் சேர்க்கவும். மீன் உடையாதவாறு பிரட்டி விடவும். மீனிலேயே தண்ணீர் ஊறும். குலுக்கி விடவும்.
• அரைத்த தேங்காய் விழுதை சேர்க்கவும். பக்குவமாக பிரட்டி விடவும். கருவேப்பிலை சேர்க்கவும். அடுப்பை அணைக்கவும்.
• சிறிது மூடி வைக்கவும். பின்பு எடுத்து சூடாக பரிமாறவும்.
• சுவையான நெத்திலி மீன் அவியல் ரெடி.
• இது சாதம் அல்லது ரொட்டியுடன் பரிமாற அசத்தலாக இருக்கும்.
