தேவையான பொருட்கள் :
கொள்ளு – 50 கிராம்
சின்ன வெங்காயம் – 1/2 கோப்பை
தக்காளி – 1
புளி – 1 கொட்டை
வர மிளகாய் – 2
சீரகம் – 1/2 தேக்கரண்டி
மிளகு – 1/4 தேக்கரண்டி
பூண்டு – 10 பல்
நல்லெண்ணெய் – 1 மேஜைக்கரண்டி
பெருங்காயம் – 2 சிட்டிகை
உப்பு – தேவையான அளவு
தாளிக்க :
உளுந்தம் பருப்பு – 1/2 தேக்கரண்டி
கடுகு – 1/4 தேக்கரண்டி
கறிவேப்பிலை – 2 கொத்து
செய்முறை :
• கொள்ளுவை நன்றாக கழுவி 4 மணி நேரம் ஊற வைத்து நன்றாக வேக வைத்துக் கொள்ளவும்.
• வெங்காயம், தக்காளியை பொடியாக நறுக்கிக் கொள்ளவும்.
• அடுப்பில் பாத்திரத்தை வைத்து எண்ணெய் ஊற்றி காய்ந்ததும், வெங்காயம், பூண்டு, கறிவேப்பிலை போட்டு நன்றாக வதக்கவும்.
• பிறகு வர மிளகாய், தக்காளி, பெருங்காயம் சேர்த்து நன்கு வதக்கவும்.
• அதனுடன் சீரகம், மிளகு, புளி சேர்க்கவும்.
• அனைத்தையும் நன்றாக வதக்கிய பிறகு கொள்ளை சேர்த்து, அதனுடன் தேவையான அளவு உப்பு சேர்த்து வதக்கி ஆற வைக்கவும்.
• ஆறியவுடன் மிக்ஸியில் கொரகொரப்பாக அரைத்து கொள்ளவும்.
• மற்றொரு வாணலியில் சிறிது எண்ணெயைவிட்டு கடுகு, உளுத்தம் பருப்பு, கறிவேப்பிலை சேர்த்து தாளித்து அதனை அரைத்த சட்டினியுடன் சேர்த்து நன்கு கிளறி பரிமாறவும்.
குறிப்பு:
கொள்ளில் சிறு சிறு கற்கள் இருக்கும். அதனால் நன்றாக களைந்து வேக வைக்கவும். 2. உடல் எடையை குறைக்க கொள்ளு மிகவும் பயனளிக்கும்.
