சமையல் குறிப்புகள்

புதினா பன்னீர் கிரேவி

தேவையான பொருட்கள்:

* பன்னீர் – 200 கிராம்

* புதினா இலைகள் – 1 கப்

Related Articles

* தயிர் – 1/4 கப்

* மல்லித் தூள் – 1/2 டீஸ்பூன்

* மிளகுத் தூள் – 1/2 டீஸ்பூன்

* உப்பு – சுவைக்கேற்ப

வதக்கி அரைப்பதற்கு…

* வெண்ணெய் – 1 டேபிள் ஸ்பூன்

* வெங்காயம் – 2 (நறுக்கியது)

* பூண்டு – 5 பல் (நறுக்கியது)

* இஞ்சி – 1 டேபிள் ஸ்பூன் (நறுக்கியது)

* பச்சை மிளகாய் – 4 (கீறியது)

* முந்திரி – 20

தாளிப்பதற்கு…

* எண்ணெய் – 3 டேபிள் ஸ்பூன்

* ஏலக்காய் – 2

* கிராம்பு – 1

* பட்டை – 1 இன்ச்

* பிரியாணி இலை – 12 mint paneer gravy

செய்முறை:

* முதலில் புதினாவை நீரில் கழுவி, ஒரு துணியில் போட்டு நன்கு உலர்த்த வேண்டும்.

* பின் ஓவனை 170 டிகிரி செல்சியஸில் சூடேற்றிக் கொள்ள வேண்டும்.

* பின்பு ட்ரேயில் உலர்த்திய புதினாவைப் பரப்பி, ஓவனில் வைத்து 5 நிமிடம் வைத்து எடுக்க வேண்டும்.

* பிறகு ட்ரேயை வெளியே எடுத்து, புதினாவைத் திருப்பிப் போட்டு, மீண்டும் ஓவனில் 10 நிமிடம் வைத்து எடுக்க வேண்டும். இப்போது புதினா நன்கு மொறுமொறுவென்று இருக்கும். அதை அப்படியே எடுத்து, கையால் நசுக்கி பொடி செய்து, தனியாக வைத்துக் கொள்ள வேண்டும்.

* பின்பு சுடுநீரில், பன்னீர் துண்டுகளைப் போட்டு ஊற வைக்க வேண்டும்.

Pudina Paneer Gravy Recipe In Tamil
* பின் ஒரு வாணலியை அடுப்பில் வைத்து, அதில் வெண்ணெய் சேர்த்து உருகியதும், இஞ்சி, பூண்டு, பச்சை மிளகாய், வெங்காயம் சேர்த்து 2 நிமிடம் நன்கு வதக்க வேண்டும்.

* பிறகு அதில் முந்திரியை சேர்த்து 2 நிமிடம் வதக்கி இறக்கி, குளிர வைத்து, மிக்சர் ஜாரில் போட்டு, 1/2 கப் நீரை ஊற்றி நன்கு மென்மையாக அரைத்து தனியாக வைத்துக் கொள்ள வேண்டும்.

* பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், தாளிப்பதற்கு கொடுத்துள்ள பட்டை, கிராம்பு, பிரியாணி இலை மற்றும் ஏலக்காய் சேர்த்து தாளிக்க வேண்டும்.

* பின் அதில் பொடியாக நறுக்கிய பச்சை மிளகாய், மல்லித் தூள், மிளகுத் தூள் சேர்த்து குறைவான தீயில் வைத்து சிறிது நேரம் கிளற வேண்டும்.

* அடுத்து அதில் அரைத்த விழுதை சேர்த்து கிளறி, 2 நிமிடம் வேக வைக்க வேண்டும். பின் அதில் நசுக்கி வைத்துள்ள புதினா பொடியைத் தூவி கிளறி, 4-5 நிமிடம் மிதமான தீயில் வைத்து வேக வைக்க வேண்டும்.

* பின்னர் தயிரை நன்கு அடித்து ஊற்றி கிளறி, மிதமான தீயில் வைத்து, 3 நிமிடம் வேக வைக்க வேண்டும். முக்கியமாக மசாலா அடிப்பிடிக்காமல் இருக்க அடிக்கடி கிளறி விடுங்கள்.

* இறுதியாக அதில் ஊற வைத்துள்ள பன்னீர் துண்டுகளை சேர்த்து, சுவைக்கேற்ப உப்பு தூவி, 1 கப் நீரை ஊற்றி கிளறி, 3-4 நிமிடம் மிதமான தீயில் வைத்து கொதிக்க வைத்து இறக்கினால், புதினா பன்னீர் கிரேவி தயார்.

குறிப்பு:

உங்கள் வீட்டில் ஓவன் இல்லாவிட்டால், புதினாவை சூடான வாணலியில் போட்டு ஈரப்பதம் போக வறுத்து எடுத்து, பொடி செய்து கொள்ளலாம்.

Related Articles

Leave a Reply

Your email address will not be published. Required fields are marked *

Back to top button