ஆரோக்கியமான, எளிதான உணவை இரவில் எடுத்துக்கொள்வதன் மூலம், பல்வேறு நோய்களில் இருந்து காக்க முடியும்.
எளிமையாக செய்யக்கூடிய ஜவ்வரிசி உப்புமா
தேவையான பொருட்கள் :
ஜவ்வரிசி – 100 கிராம்,
பொடியாக நறுக்கிய வெங்காயம் – ஒரு கப்
கேரட் துருவல் – ஒரு கப்
வறுத்த வேர்க்கடலை – ஒரு கப்,
பச்சைமிளகாய் – 1,
துருவிய இஞ்சி – ஒரு டீஸ்பூன்,
உப்பு – தேவையான அளவு,
கொத்தமல்லி – சிறிதளவு,
விருப்பப்பட்டால் நெய் – 1 டீஸ்பூன்,
எலுமிச்சம்பழம் – அரை மூடி.
செய்முறை :
* ஜவ்வரிசியை மூழ்கும் அளவு தண்ணீர் விட்டு, ஒரு மணி நேரம் ஊறவிடவும்.
* கடாயில் நெய் விட்டு, கடுகு, பச்சைமிளகாய் நறுக்கிப் போட்டு வெங்காயம், இஞ்சி போட்டு வதக்கிய பின்னர் கேரட் துருவல், வேர்க்கடலை போட்டு வேகும் வரை வதக்கவும்.
* எல்லாம் சேர்ந்து வெந்ததும் அதில் ஊறிய ஜவ்வரிசியையும் சேர்த்துக் கிளறவும்.
* உப்பு சேர்த்துக் கிளறி ஜவ்வரிசி வெந்ததும் நறுக்கிய கொத்துமல்லி எலுமிச்சம் பழச்சாறு கலந்து நன்றாகக் கிளறி இறக்கவும்.
* சுவையான ஜவ்வரிசி உப்புமா ரெடி.
