சூப் வகைகள்

வாழைத்தண்டு சூப்

என்னென்ன தேவை?

நறுக்கிய வாழைத்தண்டு – 1 கப்,
வெங்காயம் – 1,
பிரிஞ்சி இலை – 1,
சீரகம் – 1/2 டீஸ்பூன்,
பாசிப் பருப்பு – 1 டேபிள்ஸ்பூன்,
மிளகுத் தூள் – 1 டீஸ்பூன்,
நெய், உப்பு – தேவையான அளவு.

எப்படிச் செய்வது?

கடாயில் நெய் விட்டு, சீரகம், பொடியாக நறுக்கிய வெங்காயம், பிரிஞ்சி இலை சேர்த்து வதக்கவும். 5 நிமிடங்கள் கழித்து, நறுக்கிய வாழைத்தண்டை சேர்த்து 2 நிமிடங்கள் வதக்கவும். குக்கரில் அத்துடன் பாசிப் பருப்பும் போட்டு, 2 கப் தண்ணீர் சேர்த்து 3 விசில் வரும் வரை வேக வைக்கவும். ஆறியதும் பிரிஞ்சி இலையை எடுத்துவிட்டு அரைத்துக் கொள்ளவும். அரைத்த விழுதை வடிகட்டி, தண்ணீர் சேர்த்து உப்பு, மிளகுத் தூள் சேர்த்து 2 நிமிடங்கள் கொதிக்க விடவும். சூடாகப் பரிமாறவும். தேவைப்பட்டால் 1 டீஸ்பூன் கார்ன் ஃப்ளோரை கரைத்து விட்டு கொதிக்க விடவும்.MLNNTnT

Related Articles

Leave a Reply

Your email address will not be published. Required fields are marked *

Back to top button