பல மசாலா பொருட்களை கொண்டு செய்யும் இந்த முட்டை குழம்பு சுவையாக இருக்கும். இந்த முட்டை குழம்பு எப்படி செய்வதென்று பார்க்கலாம்.
காரசாரமான முட்டை குழம்பு செய்முறை விளக்கம்
தேவையான பொருட்கள் :
வேக வைத்த முட்டை – 6
இஞ்சி பூண்டு பேஸ்ட் – 1 டீஸ்பூன்
உப்பு – தேவையான அளவு
வெங்காயம் – 1
தேங்காய் துருவல் – ஒரு கைப்பிடி
காஷ்மீரி வர மிளகாய் – 5
ஜாதிக்காய் – 1
கசகசா – 1/2 டீஸ்பூன்
தனியா – 1/2 டீஸ்பூன்
சோம்பு – 1/4 டீஸ்பூன்
சீரகம் – 1/4 டீஸ்பூன்
பட்டை – 2
ஏலக்காய் – 3
கிராம்பு – 3
தக்காளி – 3
எண்ணெய் – 1 டேபிள் ஸ்பூன்
கொத்தமல்லி – சிறிது
செய்முறை :
* வெங்காயம் தக்காளியை பொடியாக நறுக்கி கொள்ளவும்.
* வாணலியை அடுப்பில் வைத்து, அதில் சோம்பு, கசகசா, தனியா, ஜாதிக்காய், காஷ்மீரி வர மிளகாய், பட்டை, ஏலக்காய், கிரம்பு, சீரகம் சேர்த்து வறுத்து இறக்கி, குளிர வைத்து, மிக்ஸியில் போட்டு அத்துடன் தேங்காய் துருவலையும் சேர்த்து, பொடி செய்து கொள்ள வேண்டும்.
* பின்னர் மற்றொரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், வெங்காயம் மற்றும் உப்பு சேர்த்து, பொன்னிறமாக வதக்கவும்.
* பின் அதில் மஞ்சள் தூள், இஞ்சி பூண்டு பேஸ்ட், தக்காளி, அரைத்து வைத்துள்ள மசாலா சேர்த்து மிதமான தீயில் தக்காளி நன்கு மென்மையாகும் வரை வதக்கி விட வேண்டும்.
* பிறகு அதில் தேவையான அளவு தண்ணீர் ஊற்றி, மூடி வைத்து 5 நிமிடம் குறைவான தீயில் கொதிக்க விட வேண்டும்.
* பின்பு அதில் வேக வைத்துள்ள முட்டையை இரண்டாக வெட்டிப் போட்டு 5 நிமிடம் கொதிக்க வைத்து ஓரங்களில் எண்ணெய் பிரிந்து வரும் போது இறக்கி, கொத்தமல்லியைத் தூவினால், முட்டை குழம்பு ரெடி!
