காரைக்குடி நண்டு மசாலாவின் ஸ்பெஷல் என்னவென்றால், அதில் புளி மற்றும் முந்திரி சேர்த்து அரைத்த மசாலாவை கலந்து சமைப்பது தான். இதனால் இந்த நண்டு மசாலா மிகவும் வித்தியாசமான சுவையில் இருக்கும்.
காரசாரமான காரைக்குடி நண்டு மசாலா
தேவையான பொருட்கள்:
நண்டு – அரை கிலோ
புளிக்கரைசல் – அரை கப்
பட்டை – 2
பிரியாணி இலை – 2
சோம்பு – 1/2 டீஸ்பூன்
மஞ்சள் தூள் – 1/4 டீஸ்பூன்
மிளகாய் தூள் – 2 டீஸ்பூன்
தனியா தூள் – 1 1/2 டீஸ்பூன்
வெங்காயம் – 100 கிராம்
தக்காளி – 2
பச்சை மிளகாய் – 2
எண்ணெய் – 2 டேபிள் ஸ்பூன்
மசாலாவிற்கு…
துருவிய தேங்காய் – 1 கப்
மிளகு – 1 டீஸ்பூன்
சீரகம் – 1 டீஸ்பூன்
கசகசா – 1 டேபிள் ஸ்பூன்
சோம்பு – 1/2 டீஸ்பூன்
முந்திரி – 3
எண்ணெய் – 1 டேபிள் ஸ்பூன்
செய்முறை :
* தக்காளி, வெங்காயத்தை பொடியாக நறுக்கி கொள்ளவும்.
* ஒரு வாணலியை அடுப்பில் வைத்து, அதில் 1 டேபிள் ஸ்பூன் எண்ணெய் ஊற்றி காய்ந்ததும், சோம்பு, மிளகு, சீரகம், கசகசா, துருவிய தேங்காய் சேர்த்து நன்கு வறுத்து ஆறவைத்து மிக்ஸியில் போட்டு தண்ணீர் ஊற்றி நைசாக அரைத்து வைத்துக் கொள்ள வேண்டும்.
* மற்றொரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், சோம்பு, பட்டை, பிரியாணி இலை சேர்த்து தாளித்த பின், வெங்காயத்தைப் போட்டு பொன்னிறமாக வதக்கவும்.
* அடுத்து அதில் தக்காளியை சேர்த்து வதக்க வேண்டும்.
* தக்காளி நன்றாக வதங்கியதும் மஞ்சள் தூள், பச்சை மிளகாய் சேர்த்து வதக்கிய பின் நண்டு சேர்த்து, வதக்க வேண்டும்.
* அடுத்து அதில் மிளகாய் தூள், தனியா தூள் சேர்த்து பிரட்டி, 1 கப் தண்ணீர் ஊற்றி, 5 நிமிடம் நன்கு கொதிக்க விட வேண்டும்.
* நண்டு ஓரளவு வெந்த பின் அதில் புளிக் கரைசல் ஊற்றி, தேவையான அளவு உப்பு மற்றும் அரைத்து வைத்துள்ள மசாலாவை சேர்த்து, நன்கு பச்சை வாசனை போக கொதிக்க விட்டு இறக்கினால், காரைக்குடி நண்டு மசாலா ரெடி!!!
* காரைக்குடி நண்டு மசாலாவை சாதம் மட்டுமின்றி, தோசை, இட்லி, சப்பாத்தி போன்றவற்றுடனும் சாப்பிடலாம்.
