எவ்வளவுதான் ஆசை தீரத் தூங்கினாலும், வீட்டிலோ, பேருந்திலோ, கழிவறையிலோ எக்ஸ்ட்ராவாக ஒரு குட்டித் தூக்கம் போடுவதன் ஆனந்தமே தனிதான்” என்று எண்ணும் பேர்வழியா நீங்கள்? வந்துவிட்டது, உங்கள் தலைக்கு ஆபத்து!
இதயவியலுக்கான அமெரிக்க மருத்துவப் பல்கலைக்கழகம் நடத்திய ஆய்வொன்றில், குட்டித் தூக்கம் போடுவது நமது உடலுக்குத் தீங்கானது என்று தெரியவந்திருக்கிறது.
உலகெங்கும் உள்ள சுமார் மூன்று லட்சம் மக்கள் பங்குபற்றிய இந்த ஆய்வின் முடிவில், வேலைகளுக்கு இடையே சுமார் 40 நிமிடம் வரை தூங்குவதை வழக்கமாகக் கொண்டிருப்பவர்கள் அதிக கொழுப்பு, அதீத இரத்த அழுத்தம், இடுப்பைச் சுற்றிலும் கொழுப்புப் படிதல் உள்ளிட்ட பிரச்சினைகளுக்கு ஆளாவதாகத் தெரியவந்துள்ளது.
அதேவேளை, சுமார் ஒன்றரை மணிநேரம் வரை சற்றே நீண்ட குட்டித் தூக்கம் போடுபவர்கள், இரண்டாவது வகை நீரிழிவு நோய்க்கு ஆளாக 50 சதவீத வாய்ப்புகள் அதிகரிப்பதாகவும் அதிர்ச்சி தெரிவித்துள்ளது.
இதில் ஆறுதல் என்னவென்றால், இரவு தவிர்ந்த ஏனைய நேரங்களில், சுமார் 20 நிமிடம் வரை மைக்ரோ தூக்கம் போடுபவர்களுக்கு அதனால் பாதிப்புகள் ஏதும் இல்லை என்பதே!
