குழந்தைகளுக்கு மீனை விட இறால் மிகவும் பிடிக்கும். அதிலும் இந்த இறால் உருளைக்கிழங்கு ஃபிரை மிகவும் சுவையாக இருக்கும். இதை எப்படி செய்வது என்று பார்க்கலாம்.
இறால் உருளைக்கிழங்கு ஃபிரை
தேவையான பொருட்கள் :
இறால் – 1/2 கிலோ
உருளை கிழங்கு – 2 பெரியது
மிளகாய் தூள் – தேவையான அளவு
மிளகு தூள் – அரை ஸ்பூன்
கறிவேப்பிலை – சிறிதளவு
மஞ்சள் தூள் – சிறிதளவு
எண்ணெய் – சிறிதளவு
உப்பு – தேவையான அளவு
செய்முறை :
* இறாலை கழுவி சுத்தம் செய்து வைத்துக் கொள்ளவும்.
* உருளைக்கிழங்கை தோலை நீக்கி விட்டு சிறிதாக நறுக்கி கொள்ளவும்.
* ஒரு பாத்திரத்தில் இறால், உருளை கிழங்கை போட்டு அதனுடன் மிளகாய் தூள், மஞ்சள் தூள், மிளகு தூள், கறிவேப்பிலை, உப்பு போட்டு கிளறி 1 மணி நேரம் ஊறவிடவும்
* வாணலியில் எண்ணெய் ஊற்றி சூடானதும் அதில் இறால் கலவையை போட்டு நன்றாக 5 நிமிடம் கிளறவும். அடுத்து அடுப்பை மிதமான தீயில் வைத்து மூடி வைத்து வேக விடவும். நன்றாக வெந்து பொன்னிரமாக வந்ததும் இறக்கி சூடாக பரிமாறவும்.
* இறால் 10 நிமிடத்தில் வெந்து விடும்.
* இறால் உருளை கிழங்கு ஃபிரை ரெடி.
