மாலையில் பள்ளியில் இருந்து வரும் குழந்தைகளுக்கு விருப்பமான ரவா பணியாரம் செய்வது எப்படி என்று பார்க்கலாம்.
மாலை நேர சிற்றுண்டி: ரவா இனிப்பு பணியாரம்
தேவையான பொருட்கள் :
ரவா – 1கப்
மைதா – 1 கப்
சர்க்கரை – 1.5 கப்
வாழைப்பழம் – 1
தேங்காய் துருவல் – கால் கப்
எண்ணெய் – பொறிக்கத் தேவையான அளவு
செய்முறை :
* ரவாவை தண்ணீரில் 2 மணி நேரம் ஊற வைக்கவும்.
* பின் அதனுடன் மைதா, சர்க்கரை, தேங்காய் துருவல், வாழைப்பழத்தை(நன்றாக பிசைந்தது) கலந்து ஒரு திக்கான கலவையாக்கிக் கொள்ளவும். சர்க்கரை நன்கு கரையும்வரை கலக்க வேண்டும். கட்டி இல்லாமல் கலக்க வேண்டியது அவசியம்.
* அடுப்பில் வாணலியை ஏற்றி சூடானதும், ரவா மைதா கலவையை ஒரு ஸ்பூனால் எடுத்து கொதிக்கும் எண்ணெயில் ஊற்றி நன்கு வெந்ததும் திருப்பி போட்டு பொன்னிறமானதும் எடுத்து தட்டில் வைத்து பறிமாறவும்.
* குழந்தைகள் பள்ளியிலிருந்து வந்ததும், கொடுக்கக்கூடிய ஒரு திடீர் பலகாரம். இதை அவர்கள் விரும்பியும் உண்பார்கள்.
