பாய்லர் கோழியை விட நாட்டுக்கோழி உடலுக்கு நல்லது. நாட்டுக்கோழி குழம்பு எப்படி செய்வது என்று பார்க்கலாம்.
சுவையான நாட்டுக்கோழி குழம்பு செய்வது எப்படி
தேவையான பொருள்கள் :
நாட்டுக்கோழி – 1/2 கிலோ
தக்காளி – 2
பச்சை மிளகாய் – 2
தயிர் – 2 மேஜைக்கரண்டி
இஞ்சி பூண்டு விழுது – 1 மேஜைக்கரண்டி
கொத்தமல்லித்தழை – சிறிது
கரம் மசாலா தூள் – 1 தேக்கரண்டி
மஞ்சள்தூள் – 1/2 தேக்கரண்டி
உப்பு – தேவையான அளவு
வறுத்து பொடிக்க :
மிளகாய் வத்தல் -5
தனியா – 5 மேஜைக்கரண்டி
சீரகம் – 1 மேஜைக்கரண்டி
மிளகு – 1 மேஜைக்கரண்டி
தேங்காய் துருவல் – 100 கிராம்
தாளிக்க :
எண்ணெய் – 4 மேஜைக்கரண்டி
பட்டை – 1 இன்ச் அளவு
கிராம்பு – 2
பெரிய வெங்காயம் – 1
கறிவேப்பிலை – சிறிது
செய்முறை :
* நாட்டுக்கோழி துண்டுகளை நன்கு சுத்தப்படுத்தி வைக்கவும்.
* தக்காளி, வெங்காயம் இரண்டையும் பொடியாக நறுக்கி வைக்கவும். மிளகாயை இரண்டாக கீறி வைக்கவும்.
* அடுப்பில் கடாயை வைத்து சூடானவுடன் மிளகாய் வத்தல், தனியா, சீரகம், மிளகு, தேங்காய் துருவல் அனைத்தையும் தனித்தனியாக போட்டு வறுத்த பின் அடுப்பை அணைத்து ஆற விடவும். ஆறியதும் மிக்ஸ்சியில் போட்டு அரைத்து கொள்ளவும்.
* தேங்காயை மட்டும் தனியாக தண்ணீர் சேர்த்து விழுதாகவும், மற்றவற்றை பொடியாக அரைத்து கொள்ளவும்.
* அடுப்பில் கடாயை வைத்து எண்ணெய் ஊற்றி சூடானதும் பட்டை, கிராம்பு, கறிவேப்பில்லை போட்டு தாளித்த பின் வெங்காயம், பச்சை மிளகாய் சேர்த்து வதக்கவும்.
* வெங்காயம் பொன்னிறமானதும் இஞ்சி பூண்டு விழுது சேர்த்து பச்சை வாடை போகும் வரை வதக்கவும். பிறகு தக்காளி சேர்த்து வதக்கவும்.
* தக்காளி நன்கு வதங்கியதும் தயிர், திரித்து வைத்துள்ள பொடி, கரம் மசாலா தூள், மஞ்சள்தூள் சேர்த்து ஒரு நிமிடம் கிளறி அதனுடன் உப்பும் கோழித்துண்டுகளையும் சேர்த்து நன்றாக கிளறி விடவும்.
* பிறகு அதனுடன் ஒரு கப் தண்ணீர் சேர்த்து மசாலா வாடை போகும் வரை கொதிக்க விடவும்.
* மசாலா வாடை அடங்கியதும் அரைத்து வைத்துள்ள தேங்காய் விழுதை சேர்த்து 5 நிமிடம் கொதிக்க விடவும்.
* குழம்பு கெட்டியானதும் கொத்தமல்லித்தழை சேர்த்து அடுப்பை அணைக்கவும்.
* சுவையான நாட்டுக்கோழி குழம்பு ரெடி. 
