என்னென்ன தேவை?
பிராக்கோலி 1,
வெண்ணெய் 1 டேபிள்ஸ்பூன்,
சோள மாவு 1 டேபிள்ஸ்பூன்,
உப்பு சுவைக்கேற்ப,
மிளகுத்தூள் 1/2 டீஸ்பூன்,
தேங்காய்ப்பால் 1/2 கப்,
பாலாடை(கிரீம்) 1 டேபிள்ஸ்பூன்,
வெங்காயம் 1 (விரும்பினால்),
பூண்டு 2 பல் (விரும்பினால்).
எப்படிச் செய்வது?
பிராக்கோலியை நன்கு சுத்தம் செய்து, கழுவி, பூக்களைப் பிரிக்கவும். ஒரு கடாயில் 1 டீஸ்பூன் வெண்ணெயை இளக்கி பிராக்கோலியை சேர்த்து ஒரு நிமிடம் வதக்கவும். வெங்காயம், பூண்டு சேர்ப்பதானால் அதையும் சேர்த்து வதக்கவும். வதக்கிய பிராக்கோலியிலிருந்து சிறிதை தனியே எடுத்து வைக்கவும். 1/2 கப் தண்ணீர் சேர்த்து, 2 விசில் வரும்வரை வேகவிடவும். ஆறியதும் மைய அரைத்துக் கொள்ளவும்.
மீதமுள்ள வெண்ணெயை இளக்கி, சோளமாவு சேர்த்து நிறம் மாறாமல் வறுக்கவும். பிறகு, அரைத்த விழுது, மிளகுத்தூள், உப்பு சேர்த்துக் கலக்கவும். தேங்காய்ப்பால் சேர்த்து சின்னத்தீயில் வைத்து, 2 நிமிடம் வரை வைத்து, அடுப்பை அணைத்து, கிரீம் சேர்த்து நன்கு கலக்கவும். தனியே எடுத்து வைத்த பிராக்கோலியை மேலே தூவி சூடாகப் பரிமாறவும்.
