நெல்லிக்காயில் அதிகளவு சத்துக்கள் நிறைந்துள்ளது. ஏதாவது ஒருவகையில் தினமும் நெல்லிக்காயை உணவில் சேர்த்துக்கொள்வது மிகவும் நல்லது.
சுவையான சத்தான நெல்லிக்காய் துவையல்
தேவையான பொருட்கள் :
பெரிய நெல்லிக்காய் – 10,
தேங்காய் துருவல் – 2 டேபிள்ஸ்பூன்,
காய்ந்த மிளகாய் – 4,
உப்பு – தேவையான அளவு.
தாளிக்க:
கடுகு, உளுத்தம்பருப்பு – தலா கால் டீஸ்பூன்,
கறிவேப்பிலை – ஒரு ஆர்க்கு,
பெருங்காயத்தூள் – கால் டீஸ்பூன்,
எண்ணெய் – சிறிதளவு.
செய்முறை:
* பெரிய நெல்லிக்காயை கொட்டை நீக்கி, சிறுசிறு துண்டுகளாக நறுக்கவும்.
* மிக்சியில் நறுக்கிய நெல்லிக்காய், தேங்காய் துருவல், காய்ந்த மிளகாய், உப்பு சேர்த்து நன்றாக அரைக்கவும்.
* கடாயை அடுப்பில் வைத்து எண்ணெய் ஊற்றி சூடானதும் தாளிக்க கொடுத்துள்ள பொருட்களை எண்ணெயில் போட்டு தாளித்து துவையலில் சேர்த்துப் பயன்படுத்தவும்.
* சுவையான சத்தான நெல்லிக்காய் துவையல் ரெடி.
