பசலைக்கீரையை தினமும் உணவில் சேர்த்து கொள்வது மிகவும் நல்லது. இப்போது உருளைக்கிழங்கு பசலைக்கீரை வைத்து எப்படி சப்பாத்தி செய்வது என்று பார்க்கலாம்.
சுவையான சத்தான ஆலூ பசலைக்கீரை சப்பாத்தி
தேவையான பொருட்கள் :
கோதுமை மாவு – 2 கப்
உருளைக்கிழங்கு – 1
பசலைக்கீரை – 1/2 கட்டு
மிளகாய்த்தூள் – 1 டீஸ்பூன்
கரம் மசாலா தூள் – 1/2 டீஸ்பூன்
உப்பு
எண்ணெய்
செய்முறை :
* உருளைக்கிழங்கையும், பசலைக்கீரையும் தனித்தனியாக வேக வைத்து நன்றாக மசித்து கொள்ளவும்.
* ஒருபாத்திரத்தில் வேக வைத்து மசித்த உருளைக்கிழங்கு, பசலைக்கீரை, கோதுமை மாவு, மிளகாய் தூள், உப்பு, கரம்மசாலா தூள், சிறிது தண்ணீர் தெளித்து நன்றாக சப்பாத்தி மாவு பதத்தில் பிசைந்து அரை மணி நேரம் ஊற வைக்கவும்.
* பிறகு மாவை சிறிய உருண்டைகளாக உருட்டி சப்பாத்தியாக திரட்டி வைக்கவும்.
* தோசை கல்லை அடுப்பில் வைத்து சூடானதும் உருட்டி வைத்துள்ள சப்பாத்தியை போட்டு சுற்றி சிறிது எண்ணெய் ஊற்றி வெந்ததும் திருப்பி போட்டு எடுக்கவும்.
* சுவையான சத்தான ஆலூ பசலைக்கீரை சப்பாத்தி ரெடி.
