சாலட் வகைகள்

வெள்ளரிக்காய் – தக்காளி சாலட்

தினமும் உணவில் சாலட் சேர்த்து கொள்வது மிகவும் நல்லது. அந்தவகையில் இன்று வெள்ளரிக்காய் – தக்காளி சாலட் செய்வது எப்படி என்று பார்க்கலாம்.

வெள்ளரிக்காய் – தக்காளி சாலட்
தேவையான பொருட்கள் :

வெள்ளரிக்காய் (பெரியது) – ஒன்று,
நன்கு பழுத்த தக்காளி – 2 ,
பெரிய வெங்காயம் – ஒன்று,
எலுமிச்சைப் பழம் – ஒன்று,
மிளகுத்தூள் – சிறிதளவு,
வேர்க்கடலைப் பொடி – ஒரு டேபிள்ஸ்பூன்,
பாசிப்பருப்பு (பயத்தம்பருப்பு) – 2 டேபிள்ஸ்பூன்,
கொத்தமல்லித்தழை – ஒரு டேபிள்ஸ்பூன்,
எண்ணெய், கடுகு – தாளிக்கத் தேவையான அளவு,
உப்பு – தேவைக்கேற்ப.

செய்முறை :

* கொத்தமல்லியை பொடியாக நறுக்கி கொள்ளவும்.

* வெள்ளரிக்காயின் மேல் தோலை சீவி மெல்லிய, நீள துண்டுகளாகவும், தக்காளி, வெங்காயத்தை ஒரே அளவு துண்டுகளாகவும் நறுக்கிக்கொள்ளவும்.

* பாசிப்பருப்பை உதிர் உதிராக வேகவிட்டு எடுத்துக்கொள்ளவும்.

* தக்காளி, வெங்காயம், வெள்ளரித் துண்டுகள், பாசிப்பருப்பு, கொத்தமல்லித்தழை ஆகியவற்றை ஒரு கிண்ணத்தில் போடவும். மேலே மிளகுத்தூள், உப்பு தூவவும்.

* எண்ணெயில் கடுகை தாளித்து சேர்க்கவும்.

* பரிமாறுவதற்கு சற்று முன் வேர்க்கடலைப் பொடியைத் தூவி, தேவையான அளவு எலுமிச்சைச் சாறு சேர்க்கவும். 201611291150521021 cucumber tomato salad SECVPF

Related Articles

Leave a Reply

Your email address will not be published. Required fields are marked *

Back to top button