என்னென்ன தேவை?
இட்லி – 6,
தக்காளி சாஸ் – 3 டேபிள்ஸ்பூன்,
லெமன் ஜூஸ் – 1 டேபிள்ஸ்பூன்,
கடுகு – தாளிக்க,
எண்ணெய் – சிறிதளவு,
வெங்காயம் – 1,
பூண்டு – 6 பல்,
கறிவேப்பிலை இலைகள்- 5,
பச்சைமிளகாய் – 1,
வெங்காயத்தாள் – 1,
கொத்தமல்லித்தழை – சிறிதளவு,
மஞ்சள் தூள் – 1/2 டீஸ்பூன்,
மிளகாய் தூள் – 1/2 டீஸ்பூன்,
கரம் மசாலாத் தூள் – 1/4 டீஸ்பூன்,
உப்பு – தேவையான அளவு.
எப்படிச் செய்வது?
வெங்காயம், வெங்காயத்தாள், கொத்தமல்லித்தழை, பச்சைமிளகாய் போன்றவற்றை நறுக்கி தனியாக வைக்கவும். இட்லியினை சிறிய சிறிய துண்டுகளாக வெட்டி 1 டேபிள்ஸ்பூன் எண்ணெய் ஊற்றி வறுத்து வைத்துக் கொள்ளவும். கடாயில் எண்ணெய் ஊற்றி கடுகு தாளித்து பூண்டினை போட்டு வதக்கவும். பூண்டு வதங்கியதும் வெங்காயம், கறிவேப்பிலை, பச்சைமிளகாய் சேர்த்து நன்றாக வதக்கவும். இத்துடன் தக்காளி சாஸ், தூள் வகைகள் சேர்த்து நன்றாக 5 முதல் 6 நிமிடங்கள் வதக்கவும்.
எல்லாம் நன்றாக வதங்கியவுடன், இட்லி துண்டுகளை சேர்த்து கிளறவும். கடைசியில் வெங்காயத்தாள், எலுமிச்சைச்சாறு, கொத்தமல்லித்தழை சேர்த்து நன்றாக கிளறி மேலும் 3 நிமிடங்கள் வேக விட்டுப் பரிமாறவும். இதனை தயிர் பச்சடியுடன் சேர்த்து சாப்பிட சுவையாக இருக்கும்.
