விருந்தினர் திடீரென வீட்டிற்கு வந்தால் விரைவில் செய்யக்கூடிய தேங்காய் பால் ஸ்வீட் கீர் செய்து கொடுத்து அசத்தலாம். இதை எப்படி செய்வது என்று பார்க்கலாம்.
சுவையான தேங்காய் பால் ஸ்வீட் கீர்
தேவையான பொருட்கள் :
தேங்காய் பால் – 1 கப் முதல் 2 கப்
சர்க்கரை – 1/2 கப்
தேங்காய் துருவல் – 1/2 கப்
பாதாம் பருப்பு, முந்திரி பருப்பு – 2 டீஸ்பூன்
திராட்சை பழம் – 1/2 கப்
குங்குமப்பூ – 1 சிட்டிகை
சோள மாவு – 2 ஸ்பூன்
செய்முறை :
* பாதாம், முந்திரியை பொடியாக நறுக்கி வைக்கவும்.
* தேங்காய் பாலின் முதல் பாலை தனியாக எடுத்து வைக்கவும்.
* அடி கனமாக பாத்திரத்தை அடுப்பில் வைத்து சூடானதும் அதில் இரண்டாவது பாலை ஊற்றி 2 நிமிடம் கொதிக்க விடவும்.
* பிறகு அதில் சோளமாவை போட்டு கரைத்து விட்டு சர்க்கரை போடவும்.
* ஒரு கொதி வந்து சற்று திக்கான பதம் வந்ததும் இறக்கி தேங்காய் துருவல், பாதாம், முந்திரி, திராட்சை பழங்களை போட்டு கலந்து பிரிட்ஜில் வைக்கவும்.
* இப்போது தேங்காய் பால் ஸ்வீட் கீர் ரெடி.
* தேவையான போது, எடுத்து ஜில்லென்று பரிமாறவும். 
