மாலையில் பள்ளியில் இருந்து வரும் குழந்தைகளுக்கு முட்டை உப்புமா செய்து கொடுக்கலாம். இப்போது பிரட் முட்டை உப்புமா செய்வது எப்படி என்று பார்க்கலாம்.
மாலை நேர சிற்றுண்டி பிரட் முட்டை உப்புமா
தேவையான பொருட்கள் :
பிரட் – 5 துண்டுகள்
முட்டை – 3
பெரிய வெங்காயம் – 1
மிளகுத் தூள் – 1/4 டீஸ்பூன்
உப்பு – தேவையான அளவு
கொத்தமல்லி – சிறிதளவு
தாளிப்பதற்கு.
கடுகு – 1/2 டீஸ்பூன்
உளுந்தம் பருப்பு – 1/2 டீஸ்பூன்
சீரகம் – 1/4 டீஸ்பூன்
பச்சை மிளகாய் – 1
பெருங்காயத் தூள் – சிட்டிகை
கறிவேப்பிலை – சிறிது
எண்ணெய் – தேவையான அளவு
செய்முறை :
* வெங்காயம், கொத்தமல்லி, ப.மிளகாயை பொடியாக நறுக்கி கொள்ளவும்.
* பிரட்டை துண்டுகளாக்கிக் கொள்ள வேண்டும்.
* ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், தாளிப்பதற்கு கொடுத்துள்ள பொருட்களை சேர்த்து தாளித்த பின் வெங்காயத்தைப் போட்டு பொன்னிறமாக வதக்கவும்.
* வெங்காயம் நன்றாக வதங்கியதும் முட்டையை உடைத்து ஊற்றி நன்கு கிளறி, அத்துடன் உப்பு மற்றும் மிளகுத் தூள் சேர்த்து நன்கு கிளறி விட வேண்டும்.
* முட்டை உதிரியாக வந்ததும் அதில் பிரட் துண்டுகளை சேர்த்து மிதமான தீயில் 5 நிமிடம் நன்கு கிளறவும்.
* நன்றாக உதிரியாக வந்ததும் கொத்தமல்லி தழை தூவி இறக்கவும்.
* சுவையான பிரட் முட்டை உப்புமா ரெடி!!!
