நாளை சன்டே விடுமுறை என்பதால் அனைவரும் வீட்டில் இருப்பார்கள். அவர்களுக்கு மாலையில் வாழைக்காய் பஜ்ஜி செய்து கொடுத்து அசத்துங்கள்.
மாலைநேர ஸ்நாக்ஸ் வாழைக்காய் பஜ்ஜி
தேவையான பொருட்கள் :
வாழைக்காய் – 1
கடலை மாவு – 1 கப்
அரிசி மாவு – 2 டேபிள் ஸ்பூன்
சோடா உப்பு – 1 சிட்டிகை
மிளகாய் தூள் – 1/2 டீஸ்பூன்
ஓமம் – 1 டீஸ்பூன்
உப்பு – தேவையான அளவு
கொத்தமல்லி – 2 டேபிள் ஸ்பூன் (நறுக்கியது)
எண்ணெய் – பொரிப்பதற்கு தேவையான அளவு
தண்ணீர் – 1/2 கப்
செய்முறை :
* வாழைக்காயை தோலுரித்து, நீளமாக வெட்டிக்கொள்ளவும்.
* ஒரு பாத்திரத்தில் கடலை மாவு, அரிசி மாவு, சோடா உப்பு, ஓமம், மிளகாய் தூள், உப்பு மற்றும் கொத்தமல்லி சேர்த்து தண்ணீர் ஊற்றி கலந்து கொள்ள வேண்டும்.
* ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.
* எண்ணெயானது சூடானதும், அதில் நீளமாக வெட்டி வைத்துள்ள வாழைக்காயை மாவில் பிரட்டி எண்ணெயில் போட்டு பொன்னிறமாக பொரித்து எடுக்கவும்.
* சூடான வாழைக்காய் பஜ்ஜி ரெடி.
