யுகாதி தினத்தன்று, யுகாதி பச்சடி என்ற சிறப்பு உணவு செய்யப்படும். இதில் ஆறு வகை சுவை அடங்கியிருக்கும். இந்த பச்சடியை எப்படி செய்வது என்று பார்க்கலாம்.
யுகாதி ஸ்பெஷல் பச்சடி செய்வது எப்படி
தேவையான பொருட்கள் :
மாங்காய் – 1 கப் (பொடியாக நறுக்கியது)
வேப்பம்பூ – 1 டேபிள் ஸ்பூன்
வெல்லம் – 1 கப் (தட்டியது)
தேங்காய் துண்டுகள் – 1 டேபிள் ஸ்பூன்
புளி சாறு – 4 டேபிள் ஸ்பூன்
மிளகாய் தூள் – கால் ஸ்பூன்
உப்பு – தேவையான அளவு
தண்ணீர் – 3 கப்
செய்முறை :
* முதலில் ஒரு வாணலியை அடுப்பில் வைத்து, அதில் தண்ணீர் ஊற்றி, புளி சாறு ஊற்றி, அத்துடன் மாங்காய் துண்டுகளை சேர்த்து நன்கு வேக வைக்க வேண்டும்.
* மாங்காயானது நன்கு வெந்ததும், அதில் வெல்லம், மிளகாய் தூள், உப்பு, வேப்பம்பூ, தேங்காய் துண்டுகள் சேர்த்து 15 நிமிடம் கொதிக்க விட்டு இறக்கவும்.
* சூப்பரான யுகாதி ஸ்பெஷல் பச்சடி ரெடி.
