ஜீரண சக்தியை அதிகரிக்கும் அன்னாசி பழ ரைத்தா

அன்னாசி பழ ரைத்தா புலாவ், பிரியாணி உடன் சேர்த்து சாப்பிட சூப்பராக இருக்கும். இன்று இந்த பழ ரைத்தாவை எப்படி செய்வது என்று பார்க்கலாம்.

ஜீரண சக்தியை அதிகரிக்கும் அன்னாசி பழ ரைத்தா
தேவையான பொருட்கள் :

அன்னாசி பழத்துண்டுகள் – 1 கப்
அன்னாசி பழச்சாறு – 1 கப்
தயிர் – 1 கப்
சீரகப்பொடி – 1 டீஸ்பூன்
தேன் – 1 டீஸ்பூன்
உப்பு – சுவைக்கு
கொத்தமல்லி இலை – 1 டீஸ்பூன் ( நறுக்கியது)

செய்முறை :

* கொத்தமல்லியை பொடியாக நறுக்கி கொள்ளவும்.

* முதல் அடுப்பில் ஒரு கடாயை வைத்து கெட்டியான அன்னாசி சாறு, தேன் ஊற்றி நன்கு கிளறி விடவும்.

* அடுத்து அதில் நறுக்கிய அன்னாச்சிப் பழத்துண்டுகளை சேர்த்து நன்கு கிளறி விட்டு அன்னாசி தயாரானதும் தனியாக எடுத்துக் கொள்ளவும்.

* தயிரில் வதக்கிய அன்னாசியை இட்டு, சீரகப் பொடி, நறுக்கிய கொத்தமல்லி இலை, உப்பு சேர்த்து நன்கு கலந்து விடவும்.

* அதனை அழகுப்படுத்த மேலாக அன்னாசி துண்டுகளை வைத்து பரிமாறலாம்.

* அன்னாசி பழ ரைத்தா ரெடி!

* இதை சாலட் போலவும் சாப்பிடலாம்.