கோடை வெயிலுக்கு நுங்கு சாப்பிட்டால் உடலுக்கு குளுகுளு என இதமாக இருக்கும். இன்று நுங்கும் பாலும் சேர்த்து அருமையான பானம் செய்வது எப்படி என்று பார்க்கலாம்.
வெயிலுக்கு இதமான நுங்கு ரோஸ்மில்க்
தேவையான பொருட்கள் :
இளம் நுங்குச் சுளைகள் – 5,
தேன் – 3 டீஸ்பூன்,
ரோஸ் சிரப் – 1 டீஸ்பூன்,
பால் – முக்கால் கப்,
சாரைப் பருப்பு அல்லது பிஸ்தா பருப்பு – கால் டீஸ்பூன்,
நெய் – அரை டீஸ்பூன்.
ஐஸ்கட்டிகள் – தேவைக்கு
செய்முறை :
* நுங்கின் தோலை நீக்கி மிக்ஸியில் நன்றாக அடித்துக் கொள்ளவும்.
* வாணலியில் நெய்யை சூடு செய்து, சாரைப்பருப்பை வறுத்தெடுக்கவும்.
* பாலைக் காய்ச்சி ஆறவைக்கவும்.
* காய்ச்சி, ஆறிய பாலில் தேன், ரோஸ் சிரப், அரைத்த நுங்கு, வறுத்த பருப்பு, ஐஸ்கட்டிகள் எல்லாவற்றையும் சேர்த்து நன்றாக கலந்து பரிமாறவும்.
* குளுகுளு நுங்கு ரோஸ்மில்க் ரெடி.
* குளிர்சாதனப் பெட்டியில் வைத்து அருந்தினால் சுவை கூடுதலாக இருக்கும். கோடைக்கு இதமாக நுங்கும் பாலும் சேர்ந்த அருமையான பானம் இது.
