காலையில் மிகுந்துவிட்ட சப்பாத்தியை வீணாக்காமல், மாலையில் இப்படி சப்பாத்தி உப்புமாவாக செய்யலாம். இந்த சப்பாத்தி உப்புமா செய்முறையை பார்க்கலாம்.
சூப்பரான மாலைநேர டிபன் சப்பாத்தி உப்புமா
தேவையான பொருட்கள் :
சப்பாத்தி – 4,
வெங்காயம் – 2
தக்காளி – 1
ப.மிளகாய் – 1
மிளகாய்த்தூள் – ஒரு டீஸ்பூன்,
பெருங்காயத்தூள் – ஒரு சிட்டிகை,
தேங்காய் துருவல் – 2 டேபிள்ஸ்பூன்,
கொத்தமல்லி – சிறிதளவு
மஞ்சள்தூள், உப்பு – சிறிதளவு.
தாளிக்க :
கடுகு, உளுத்தம்பருப்பு – தலா ஒரு டீஸ்பூன்,
கறிவேப்பிலை – சிறிதளவு
எண்ணெய் – சிறிதளவு.
செய்முறை :
* தக்காளி, கொத்தமல்லி, வெங்காயம், ப.மிளகாயை பொடியாக நறுக்கி கொள்ளவும்.
* சப்பாத்தியை சின்னச் சின்ன துண்டுகளாக நறுக்கிக்கொள்ளவும்.
* வாணலியில் எண்ணெய் விட்டு, தாளிக்கக் கொடுத்துள்ளவற்றை போட்டு தாளித்த பின், ப.மிளகாய், வெங்காயத்தை சேர்த்து வதக்கவும்..
* வெங்காயம் நன்றாக வதங்கியதும் தக்காளியை சேர்த்து வதக்கவும்.
* தக்காளி நன்றாக வதங்கியதும் மஞ்சள்தூள், மிளகாய்த்தூள், உப்பு, தேங்காய்த் துருவல், பெருங்காயத்தூள் சேர்த்து வதக்கவும்.
* அடுத்து நறுக்கி வைத்திருக்கும் சப்பாத்திகளைப் போட்டுக் 5 நிமிடம் கிளறி கொத்தமல்லி தழை தூவி இறக்கவும்.
* மாலைநேர டிபன் சப்பாத்தி உப்புமா ரெடி.
