சைவம்

உடலுக்கு குளிர்ச்சி தரும் கம்பு மோர்க்கூழ்

கோடைகாலத்தில் உடலுக்கு குளிர்ச்சி தரும் உணவுகளை சேர்த்து கொள்வது நல்லது. அந்த வகையில் இன்று கம்பு மோர்க்கூழ் செய்வது எப்படி என்று பார்க்கலாம்.

உடலுக்கு குளிர்ச்சி தரும் கம்பு மோர்க்கூழ்
தேவையான பொருட்கள் :

கம்பு மாவு – 100 கிராம்,
மோர் – 150 மில்லி,
சின்ன வெங்காயம் – 10,
சீரகம் – கால் டீஸ்பூன்,
உப்பு – தேவையான அளவு.

201704220907236994 Kambu koozh. L styvpf
செய்முறை :

* கம்பு மாவை சிறிது தண்ணீர் ஊற்றி கட்டியில்லாமல் கரைத்து கொள்ளவும்.

* சின்ன வெங்காயத்தை தோல் நீக்கி பொடியாக நறுக்கி கொள்ளவும்.

* அடுப்பில் அடிகனமான பாத்திரத்தை வைத்து அதில் 2 கப் தண்ணீர் ஊற்றி கொதிக்க ஆரம்பித்தவுடன் அதில் கரைத்து வைத்த கம்பு மாவு, உப்பு, சீரகம் சேர்த்துக் கூழாக காய்ச்சவும். கைவிடாமல் கிளற வேண்டும். அப்போது தான் கட்டியில்லாமல் அடிபிடிக்காமல் இருக்கும்.

* காய்ச்சிய கூழை ஆற வைத்து, மோர் சேர்த்துக் நன்றாக கலக்கவும்.

* கலக்கிய கூழில் நறுக்கிய சின்ன வெங்காயத்தை சேர்த்துப் பருகவும்.

* சூப்பரான சத்து நிறைந்த கம்பு மோர்க்கூழ் ரெடி.

Related Articles

Leave a Reply

Your email address will not be published. Required fields are marked *

Back to top button