உடலில் உள்ள கொழுப்பை கட்டுப்படுத்தும் சக்தி கடுகுக்கு உண்டு. இன்று கடுகை வைத்து சூப்பரான சாதம் செய்வது எப்படி என்று பார்க்கலாம்.
சூப்பரான கடுகு சாதம் செய்வது எப்படி
தேவையான பொருட்கள் :
உதிரியாக வேகவைத்த சாதம் – ஒரு கப்,
கடுகு – அரை டீஸ்பூன்,
கடலைப்பருப்பு, உளுந்தம்பருப்பு – தலா ஒரு டீஸ்பூன்,
காய்ந்த மிளகாய் – ஒன்று,
கறிவேப்பிலை – சிறிதளவு,
உப்பு, மஞ்சள்தூள் – தேவையான அளவு,
எண்ணெய் – ஒரு டேபிள்ஸ்பூன்.
பொடி செய்ய :
தேங்காய்த் துருவல் – ஒரு டேபிள்ஸ்பூன்,
கடுகு – ஒரு டீஸ்பூன்,
புளி – சிறிதளவு,
காய்ந்த மிளகாய்,
பச்சை மிளகாய் – தலா ஒன்று,
பெருங்காயத்தூள்,
வெல்லம் – தலா கால் டீஸ்பூன்.
செய்முறை :
* பொடி செய்யக் கொடுத்துள்ள பொருள்களை மிக்ஸியில் சேர்த்து (வறுக்க வேண்டாம்) கொரகொரப்பாக அரைத்து எடுக்கவும்.
* வாணலியில் எண்ணெய் ஊற்றி கடுகு, கடலைப்பருப்பு, உளுந்தம்பருப்பு, காய்ந்த மிளகாய், கறிவேப்பிலை போட்டு தாளித்த பின் மஞ்சள்தூள் சேர்த்துக் கிளறி… வேகவைத்த சாதம், அரைத்த பொடி, உப்பு சேர்த்து நன்கு கலந்து இறக்கி பரிமாறவும்.
* சூப்பரான கடுகு சாதம் ரெடி.
