சிற்றுண்டி வகைகள்

சூப்பரான ஸ்நாக்ஸ் மைதா வெங்காய பக்கோடா

மாலை நேரங்களில் பக்கோடா சாப்பிட்டால், சூப்பராக இருக்கும். அதிலும் சற்று காரமாக, மைதா மாவுடன், பச்சை மிளகாய், வெங்காயம் சேர்த்து செய்து சாப்பிட்டால், அதன் சுவைக்கு அளவே இல்லை.

சூப்பரான ஸ்நாக்ஸ் மைதா வெங்காய பக்கோடா
தேவையான பொருட்கள் :

மைதா – 1 கப்
அரிசி மாவு – 1/2 கப்
கடலை மாவு – 1/2 கப்
இஞ்சி – சிறிய துண்டு
வெண்ணெய் – 2 டீஸ்பூன்
பச்சை மிளகாய் – 5
வெங்காயம் – 2
உப்பு – தேவையான அளவு
கறிவேப்பிலை – சிறிதளவு
கொத்தமல்லி – அரை கட்டு
எண்ணெய் – தேவையான அளவு

செய்முறை :

* வெங்காயத்தை நீளவாக்கில் வெட்டிக்கொள்ளவும்.

* இஞ்சி, ப.மிளகாய், கொத்தமல்லி, கறிவேப்பிலையை பொடியாக நறுக்கி கொள்ளவும்.

* இட்லி பாத்திரத்தை அடுப்பில் வைத்து, அதில் மைதா மாவைப் போட்டு, ஆவியில் சிறிது நேரம் வேக வைத்து, ஒரு பாத்திரத்தில் போட்டுக் கொள்ள வேண்டும்.

* அடுத்து மைதா மாவுடன் அரிசி மாவு, கடலை மாவு, உப்பு, வெண்ணெய், நறுக்கிய வெங்காயம், பச்சை மிளகாய், கொத்தமல்லி, கறிவேப்பிலை, இஞ்சி போட்டு சிறிது சிறிதாக தண்ணீர் தெளித்து பக்கோடா மாவு பதத்தில் பிசைந்து கொள்ள வேண்டும்.

* ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் விட்டு, காய்ந்ததும், கலந்து வைத்துள்ள மாவை சிறிது சிறிதாக பக்கோடா போட்டு பொரித்து எடுக்க வேண்டும்.

* இப்போது மொறுமொறுவென சூடான மைதா பக்கோடா ரெடி!!!

* இதனை தக்காளி சாஸ் உடன் சாப்பிட்டால், சூப்பராக இருக்கும்.

Related posts

உருளைக்கிழங்கு பொரியல்

nathan

தென்னிந்தியாவில் மிகவும் பிரபலமான வடைகறி ரெசிபி

nathan

மழைக்கால குட்டி பசியை போக்க பனீர் பஜ்ஜி!…

sangika