ஆரோக்கிய உணவு

கார்ன் பாலக் கிரேவி

கார்ன் பாலக் கிரேவி

தேவையான பொருட்கள்:

பசலைக்கீரை – 4 கட்டு
வேக வைத்த சோளம் – 1 கப்
புளிக்காத தயிர் – 1/2 கப்
இஞ்சி பேஸ்ட் – 1 டீஸ்பூன்
பூண்டு பேஸ்ட் – 1 டீஸ்பூன்
பச்சை மிளகாய் – 3
வெங்காயம் – 1
உலர்ந்த வெந்தய இலை – 1 டேபிள் ஸ்பூன்
மாங்காய் தூள் – 1 டீஸ்பூன்
சீரகப் பொடி – 1 டீஸ்பூன்
உப்பு – தேவையான அளவு
நெய் – தேவையான அளவு

செய்முறை:

• ப.மிளகாய், வெங்காயத்தை பொடியாக நறுக்கி கொள்ளவும்.

• முதலில் பசலைக்கீரையை சுடுநீரில் சிறிது நேரம் ஊற வைத்து, நீரை வடிகட்டி, பின் குளிர்ந்த நீரில் ஒருமுறை அலசி, மிக்ஸியில் போட்டு ஒருமுறை அரைத்துக் கொள்ள வேண்டும்.

• பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், சீரகம் மற்றும் வெங்காயம் சேர்த்து நன்கு பொன்னிறமாக வதக்கி, பின் இஞ்சி மற்றும் பூண்டு பேஸ்ட், பச்சை மிளகாய் சேர்த்து சிறிது நேரம் வதக்க வேண்டும்.

• அரைத்து வைத்துள்ள பசலைக்கீரையை சேர்த்து கிளறி விட வேண்டும்.

•  பின்னர் அதில் வேக வைத்துள்ள சோளம் சேர்த்து, உப்பு மற்றும் மாங்காய் தூள் சேர்த்து சிறிது நேரம் கெட்டியாகும் வரை கிளறி விட வேண்டும்.

•  அடுத்து அதில் புளிக்காத தயிர் சேர்த்து குறைவான தீயில் கொதிக்க விட வேண்டும்.

• சுவையான கிரேவியானது கொதிக்க ஆரம்பித்ததும், அதில் எலுமிச்சை சாறு, உலர்ந்த வெந்தய இலை சேர்த்து நன்கு பிரட்டி விட வேண்டும். கலவையானது ஒரு பதத்திற்கு வரும் போது, அதனை இறக்கினால், சுவையான கார்ன் பாலக் கிரேவி ரெடி!!!

* சுவையான மலாய் கார்ன் பாலக் இந்த மலாய் கார்ன் பாலக் ரெசிபியானது சப்பாத்தி, நாண் அல்லது ரொட்டியுடன் சேர்த்து சாப்பிட சூப்பராக இருக்கும்.

Related Articles

Leave a Reply

Your email address will not be published. Required fields are marked *

Back to top button