உஷாரா இருங்க…! இந்த அறிகுறிகள் இருந்தால் நீங்கள் ஆபத்தானவரை காதலிக்கிறீர்கள் என்று அர்த்தம்…

மனிதர்கள் உயிருடன் வாழ உணவு, உடை, இருப்பிடம் இவை மட்டும் இருந்தால் போதுமானது ஆனால் மனிதர்கள் மகிழ்ச்சியுடன் வாழ கட்டாயம் காதல் அவசியமாகும். ஒருவரின் வாழ்க்கையை அழகானதாகவும், அர்த்தமுள்ளதாகவும் மாற்றுவது காதல்தான் ஆனால் அந்த காதல் உறவு சரியானதனாக அமையவில்லை என்றால் உங்களின் வாழ்க்கை நரகமாக மாறிவிடும்.

Signs That Say You Are In Dangerous Relationship

ஒரு ஆபத்தான காதலில் இருப்பது என்பது உங்களின் வாழ்க்கையை நீங்களே கெடுத்துக் கொள்வதற்கு சமம். எந்தவொரு காரணத்திற்காகவும் ஆரோக்கியமற்ற ஆபத்தான உறவில் இருக்கக்கூடாது. உங்களின் உடல்நலம், மனநலம், உணர்ச்சி நிலைகளை பாதிக்கும் எந்தவொரு காதலும் ஆபத்தான காதல்தான். பலர் தங்கள் உறவு ஆபத்தான உறவு என்பதையே உணராமல் அதில் இருந்து தங்களின் வாழ்க்கையை அழித்துக் கொள்கிறார்கள். இது ஆண், பெண் இருவருக்குமே பொருந்தும். இந்த பதிவில் நீங்கள் ஆபத்தான காதலில் இருப்பதை உணர்த்தும் அறிகுறிகள் என்னென்ன என்று பார்க்கலாம்.

எமோஷனலாக அச்சுறுத்துவது

உணர்ச்சிபூர்வமாக அச்சுறுத்தும் அல்லது அவருடன் இருக்குமாறு அச்சுறுத்தும் ஒரு நபருடன் காதலில் இருப்பதை நீங்கள் மறுபரிசீலனை செய்ய வேண்டும். ஏனெனில் உங்களை கையாளவும், மனதை மாற்றவும் அன்பை எப்படி ஒரு ஆயுதமாக பயன்படுத்த வேண்டும் என்பதை அவர்கள் நன்கு அறிவார்கள். ஆரோக்கியமான ஒரு உறவில் அத்தகைய நச்சு நிறைந்த அன்பையோ அல்லது வினோதமான சூழ்நிலையையோ நீங்கள் அனுபவிக்க மாட்டிர்கள். நல்ல காதலர் ஒருபோதும் உங்களை கட்டாயப்படுத்த மாட்டார்கள்.

எப்போதும் பின்தொடர்வது

ஒரு காதல் உறவு என்பது நம்பிக்கையை அடிப்படையாகக் கொண்டது. ஆனால் சிலர் தங்கள் காதலரின் செயல்பாடுகளை கண்காணிக்கும் பழக்கத்தைக் கொண்டுள்ளனர். உங்கள் காதலரின் பின்தொடரும் நடத்தை உங்கள் பாதுகாப்பிற்காக நீங்கள் இருக்குமிடத்தை கண்காணிப்பது போன்ற எளிமையான ஒன்றில் தொடங்கி, உங்களுக்கேத் தெரியாமல் நீங்கள் செல்லும் இடத்திற்கு பின்தொடர்வது வரை செல்லலாம். உங்கள் காதலரின் இந்த நடத்தை மிகவும் ஆபத்தானதாகும்.

உங்கள் பாஸ்வேர்டுகளை சொல்ல கட்டாயப்படுத்துவது

உங்கள் காதலன்/காதலி உங்களின் பேஸ்புக் மற்றும் வாட்ஸப் உரையாடலை படிப்பதில் ஆர்வம் காட்டுகிறார்களா? உங்களின் பாஸ்வேர்டுகளை சொல்லும்படி தொடர்ந்து கட்டாயப்படுத்துகிறார்களா? இது நீங்கள் மிகவும் ஆபத்தான ஒருவருடன் காதலில் இருக்கிறீர்கள் என்பதற்கான அர்த்தமாகும். நீங்கள் சொல்லாத பட்சத்தில் அவர்கள் உங்களை உணர்ச்சிரீதியாக துன்புறுத்தலாம். அவர்கள் உங்கள் மீதான வெறித்தமான காதலில் என்ன வேண்டுமென்றாலும் செய்யலாம்.

எப்போதும் ஒட்டிக்கொண்டிருப்பது

பெரும்பாலான உறவுகள் ஆரம்பத்தில் சரியான தொடக்கத்துடன்தான் இருக்கின்றன. அப்போது காதலர்கள் தங்கள் அன்றாட வாழ்க்கையின் ஒவ்வொரு விவரத்தையும் ஒருவருக்கொருவர் பகிர்ந்து கொள்ள விரும்புகிறார்கள். ஆனால் அனைத்திற்கும் சில விதிவிலக்குகள் உள்ளது, அதிகப்படியாக பகிர்ந்து கொள்ள வேண்டுமென்று தொல்லை செய்ய தொடங்குவது ஆபத்தான உறவின் தொடக்கப்புள்ளியாகும். ஒவ்வொரு நிமிடமும் நீங்கள் என்ன செய்கிறீர்கள் என்று கேட்பது, அதனை சொல்ல வேண்டும் நச்சரிப்பது, ஒவ்வொரு நிமிடமும் தன்னுடனேயே இருக்க வேண்டும் என்று ஆடம் பிடிப்பது, எப்போதும் அவர்களை சுற்றியே இருக்க வேண்டும் என்று கூறுவதெல்லாம் ஆபத்தான காதலின் அறிகுறியாகும்.

எப்போதும் தொடர்பில் இருப்பது

நாம் அனைவரும் ஒரு கட்டத்தில் கவனத்தைத் தேடுகிறோம், ஆனால் உங்கள் இன்பாக்ஸை பொருத்தமற்ற செய்திகளுடன் ஸ்பேம் செய்ய உங்கள் பங்குதாரருக்கு உரிமை உண்டு என்று அர்த்தமல்ல அல்லது உங்களுடன் தொடர்பில் இருக்க நாள் முழுவதும் இடைவிடாமல் உங்களை அழைத்துக் கொண்டே இருக்கலாம். ஒரு காதலருடன் தொடர்ந்து தொடர்பு கொள்ள விரும்புவது வெறித்தனமான நடத்தையின் நுட்பமான அறிகுறியாகும்.

அதிக பொறாமை

பொறாமை ஒரு வெறித்தனமான காதலின் முக்கியமான அறிகுறியாகும். யாரோ ஒருவர் உங்களைப் பாராட்டுவது அல்லது நண்பர்களுடன் ஒரு மாலை நேரத்தை செலவிடுவது போன்ற அற்ப காரணங்களுக்காக உங்கள் பங்குதாரர் புண்படுத்தினால் அல்லது பொறாமை அடைந்தால் அதை ஒரு எச்சரிக்கை அறிகுறியாக எடுத்துக் கொள்ளுங்கள். ஒருவர் தனது விருப்பங்களை பூர்த்தி செய்ய சந்தேகத்துடன் செயல்படத் தொடங்கும் போது பொறாமை மற்றும் பாதுகாப்பின்மை மோசமடைகிறது. அத்தகையவர்களை காதலிக்காமல் தவிர்ப்பது நல்லது.

தனிப்பட்ட விருப்பங்களுக்கு மரியாதை இல்லை

ஒரு ஆபத்தான காதலரின் பொதுவான பண்பு என்னவென்றால் அவர்களுக்கென்று சொந்த வாழ்க்கை எதுவும் இருக்காது. ஒருவர் எப்பொழுதும் உங்கள் அருகிலேயே இருந்து அணைத்து கொண்டிருந்தால் எப்படி இருக்கும்? நண்பர்கள் மற்றும் குடும்பத்தினர் உட்பட வேறு யாருடனும் பழகுவதற்கு நேரமே தராமல் எப்போதும் உங்களுடனேயே அவர்கள் இருப்பது எரிச்சலைத்தான் ஏற்படுத்தும்.உங்கள் விருப்பங்களை மதிக்காத ஒருவருக்கு உங்கள் வாழ்க்கையில் இருக்க இடம் வழங்காதீர்கள்.

எப்போதும் விமர்சித்துக் கொண்டிருப்பது

நாம் அனைவரும் சில நேரங்களில் மற்றவர்களின் கருத்துக்கள் மற்றும் நடத்தைகளை விமர்சிப்போம். ஆனால் அது அடிக்கடி மற்றும் புண்படுத்தும் அல்லது குறைக்கும் நோக்கத்துடன் செய்யப்படும்போது, அது ஆரோக்கியமற்றது. விமர்சனம் செய்பவர்கள் உங்களை தகுதியற்றவர்களாகவோ உணரவைக்கிறார்கள். அவர்கள் உங்களை, உங்கள் எண்ணங்கள், உங்கள் நடத்தைகள் மற்றும் உங்கள் வார்த்தைகளை மீண்டும் மீண்டும் அவமதிக்ப்பார்கள். இவர்களை காதலிப்பது உங்களின் வாழ்க்கையை நரகத்தை விட மோசமாக்கும்.

நேர்மையின்மை

ஆரோக்கியமான காதலில் நேர்மையின்மை என்பதற்கே இடமில்லை. நேர்மையற்ற தன்மை இயல்பாகவே தவறு மட்டுமல்ல, அது இரண்டு நபர்களிடையே நம்பிக்கையை சிதைக்கிறது. பொய்கள் பெரியதாகவோ அல்லது சிறியதாகவோ இருக்கலாம், அதிகப்படியான மிகைப்படுத்தல் அல்லது முழுமையான புனைகதை, பெரும்பாலும் வெளிப்படையான காரணங்கள் இல்லாமல் இருக்கலாம். தங்களின் சொந்த முக்கியத்துவத்தை அதிகரிக்க அதிகப்படியான பொய்களை கூறுபவர்கள் உண்மையிலேயே ஆபத்தானவர்கள். அப்படிப்பட்டவர்களை காதலிக்கும் போது நீங்கள் தேவையில்லாத சிக்கலில் மாட்டிக்கொள்ளலாம்.