உடலுக்கு நன்மை செய்யும் உணவுகளில் வாழைப்பழத்தை விடச் சிறந்த ஒன்றைக் கூறுவது கடினம். அவை அதிக அளவில் சுவையும் குறைந்த விலையும் கொண்டவை என்பதோடு. வருடம் முழுவதும் கிடைக்கக் கூடியவை என்பது சிறப்பு. வாழை மரத்தின் கனி, தண்டு, பூ, இலைகள் ஆகியு ஒட்டுமொத்த மரமே மனித இனத்திற்குப் பயன் தருபவை.
உணவைப் பரிமாறுவதில் விதவிதமான தட்டுக்களை விட வாழை இலைக்கே முதலிடம். பல உணவு வகைகளை ஆவியில் வேக வைத்து சமைக்க வாழை இலை பயன்படுகிறது. வாழைப்பழம் தனியாக சுவை தருவதோடு, பழக்கலவைக்குக் கூடுதல் சுவை சேர்க்கிறது. வாழைத்தண்டும், வாழைப்பூவும் வெகு தென்னிந்திய உணவு வகைகளில் முக்கியப் பங்கு வகிக்கிறது.
வாழைப்பழ அல்வாவை நினைத்தாலே நாவில் நீர்சுரக்கும்! ஊட்டச்சத்து மிகுந்த வாழைப்பழத்தில் கார்போஹைட்ரேட்டுகள், நார்ச்சத்துக்கள், வைட்டமின் பி6 பிறும் பொட்டாசியம், மாங்கனீசு உள்ளிட்ட கனிமச்சத்துக்களும் நிறைந்துள்ளன. இப்போது உடல்நலம் காப்பதில் வாழைப்பழத்தின் முக்கியமான பயன்கள் சிலவற்றை இங்கே பார்க்கலாம்.
உடனடி எனர்ஜி வேண்டுமா? ஒரு வாழைப்பழம் போதும்!
சராசரியாக 105 கலோரிகள் கொண்ட வாழைப்பழம் உடலுக்கு உடனடியாக அற்புதமான எனர்ஜியளிக்கக் கூடியதாகும். வாழைப்பழம் உடற்பயிற்சிக்குப் பின் சாப்பிடுவதற்கு மிகவும் ஏற்ற உணவு. பொதுவாக உடற்பயிற்சி நேரத்தில் இரத்தத்தில் குளுக்கோஸ் அளவு மிகவும் குறைந்துவிடுவதால், அவ் நேரத்தில் வாழைப்பழம் உடனடியாகப் புத்துணர்ச்சியளிக்கிறது.
தசைப்பிடிப்பை விரட்டும்
எப்பொழுதாவது கடின உடற்பயிற்சி செய்து தசைப்பிடிப்பின் வேதனையை அனுபவித்திருக்கிறீர்களா? இரவு நேரங்களில் கால்களில் தசைப்பிடிப்பு ஏற்பட்டு வலியினால் அவதிப்பட்டு தூக்கத்திலிருந்து விழித்து எழுந்திருக்கிறீர்களா? உங்களுக்கான சிறந்த மருந்து வாழைப்பழம் தான். மக்னீசியமும், பொட்டாசியமும் நிறைந்த வாழைப்பழம் உங்கள் உடலுக்கு கனிமச்சத்துக்களை அளித்துப் புத்துணர்வூட்டுகிறது. தசைகளை நன்கு தளர்வாக்கி தசைப்பிடிப்பிலிருந்து பாதுகாப்பளிக்கிறது.
இரத்த அழுத்தத்தைக் கட்டுப்படுத்தும்
அதிக அளவில் பொட்டாசியமும் குறைவான அளவு சோடியமும் கொண்ட வாழைப்பழம் இரத்த அழுத்தத்தை சரியான அளவில் வைக்க உதவுகிறது. உடலில் நீர்ச்சத்தை சமநிலையில் வைக்க உதவுவதோடு உடலிலிருந்து நச்சுப் பொருட்களை வெளியேற்றுவதன் மூலம் மாரடைப்பு பிறும் பக்கவாதம் வராமல் காக்கிறது.
நெஞ்செரிச்சலைக் குறைக்கும்
வயிற்றில் அமிலத்தன்மையைக் குறைக்கும் சக்தி வாழைப்பழத்திற்கு அதிகம். வயிற்றின் உட்பக்க சுவரை ஒரு தடுப்புப் பூச்சு கொண்டு பாதுகாத்து அமிலம் சுரப்பதைக் குறைத்து, அல்சர் பிறும் நெஞ்செரிச்சல் ஏற்படாமல் பாதுகாக்கிறது.
மலச்சிக்கலை குணமாக்கும்
வாழைப்பழமும், அதன் தண்டும், அவற்றில் நிரம்பியுள்ள நார்ச்சத்து பிறும் பெக்டின் மூலம் குடல் இயக்கத்தை எளிதாக்கி மலச்சிக்கலைக் குறைக்கின்றன. வாழைத்தண்டின் சாற்றினைப் பிழிந்து குடிப்பதும் பயனளிக்கும்.
வயிற்றுப்போக்கிற்குப் பிறகு விரைவாக உடல்நலத்தை மீட்டெடுக்கும்
கடுமையான வயிற்றுப்போக்கு ஏற்பட்டுவிட்டதா? வயிற்றுப்போக்கிற்குப் பிறகு வாழைப்பழம் சிறந்த பயனளிக்கிறது. வயிற்றுப்போக்கு உங்கள் உடலில் கடுமையான நீரிழப்பையும் எலெக்ட்ரோலைட்டுகள் குறைபாட்டையும் ஏற்படுத்துகிறது. அப்படி இழந்த பொட்டாசியத்தை வாழைப்பழம் சாப்பிட்டு திரும்பப் பெறுங்கள்.
புரோபயாட்டிக் விளைவை இயற்கையான முறையில் பெறுங்கள்
வாழைப்பழத்தில் உள்ள ஃப்ரக்டோ ஒலிகோ சாக்கரைட்ஸ் (FOS) மூலம் குடலில் நன்மை செய்யும் பாக்டீரியாக்களை வளரச் செய்யும் புரோபயாட்டிக் விளைவை உண்டாக்கி வாயுத் தொல்லைகளிலிருந்து உங்களைப் பாதுகாத்துக் கொள்ளுங்கள். அது உங்கள் எலும்புகளின் நலனையும் காக்கிறது. FOS இன் நொதித்தல் தன்மையானது, குடலில் பாஸ்பரஸைக் குறைத்து கால்சியம் உறிஞ்சுவதை அதிகப்படுத்தியுள்ளதுுவதால் எலும்புகள் உறுதியடைகின்றன. உடலில் இருக்கின்று வெளியேறும் திரவங்களின் அளவை வாழைத் தண்டு குறைக்கிறது. இப்படியான டையூரிடிக் விளைவினால் சிறுநீரகத்தில் கல் உருவாவது தடுக்கப்படுவதாக கருதப்படுகிறது. அது உடலிலிருந்து நச்சுக்களையும் வெளியேற்ற உதவுகிறது. கற்களை கரைக்கும் தன்மை வாழைத்தண்டுக்கு இருக்க வேண்டும் நம்பப்படுகிறது.
இரவில் நல்ல தூக்கம் வர வேண்டுமா?
படுக்கைக்குச் செல்லும் முன் ஒரு வாழைப்பழம் சாப்பிடுவது நன்கு தூக்கம் வர உதவும். ட்ரிட்டோஃபன் அளவு அதிகரித்து, அது மூளையில் செரடோனினாக மாற்றம் பெறுவதால், உங்களுக்கு வசீகரமான உறக்கம் கண்களைத் தழுவுகிறது. உங்கள் மனநிலையில் நல்ல முன்னேற்றம் காணப்படுவதுடன், உங்களை எச்சரிக்கையுடனும் புத்திக் கூர்மையுடனும் செயல்பட வைக்கிறது.
சருமம் ஒளி வீசும்
வாழைப்பழம் உங்களை அழகுறச் செய்யும் தூக்கத்தை அளிப்பதுடன், நீங்கள் மிக இனிமையான தோற்றம் பெறவும் உதவுகிறது. வாழைப்பழக் கூழைப் பூசுவதன் மூலம் இயற்கையான வழியில் மிருதுவான, மென்மையான ஒளிரும் சருமத்தைப் பெறலாம். உலர் சருமம் கொண்டவர்களுக்கு வாழைப்பழக் கூழின் ஈரப்பதமுள்ள தன்மை நல்ல பயனளிக்கிறது.
தாம்பத்திய வாழ்க்கை சிறப்படையும்
ஆணுறுப்பின் வடிவம் கொண்ட வாழைப்பழம் உண்மையிலேயே இதற்குப் பெரிதும் உதவும் உணவாகும். பாலுணர்வுக் கிளர்ச்சியூட்டும் தன்மை வாழைப்பழத்தின் வடிவத்தில் மட்டுமல்லாமல், அதன் உள்ளடக்கத்திலும் உள்ளது. பாலியல் ஹார்மோன்களை அதிகரிக்கச் செய்யும் ஊட்டச்சத்துக்கள் நிறைந்துள்ளதோடு, ஆணின் பாலியல் உணர்வுகளையும் அது தூண்டுகிறது. கலவிக்குப் பிறகு உண்டாகும் பரவச நிலைக்குக் காரணமான செரடோனின் அளவையும் அது கட்டுப்படுத்துகிறது.
