அறுசுவை சமையல் குறிப்புகள்

சுவையான சீஸ் ஆலு பன்ச் ரெடி..

தேவையானப்பொருட்கள்:

துருவிய சீஸ் – கால் கப்,
உருளைக்கிழங்கு – 4,
பிரெட் துண்டுகள் – 8,
இஞ்சி – ஒரு சிறிய துண்டு,
பூண்டு – 4 பல்,
பச்சை மிளகாய் – 4,
கொத்தமல்லி – ஒரு சிறுகட்டு (சுத்தம் செய்யவும்),
எலுமிச்சைச் சாறு – ஒரு டேபிள்ஸ்பூன்,
சோள மாவு – 4 டேபிள்ஸ்பூன்,
பால் – ஒரு கப்,
மைதா – ஒரு டேபிள்ஸ்பூன்,
மிளகுத்தூள் – ஒரு டீஸ்பூன்,
எண்ணெய், உப்பு – தேவையான அளவு.


செய்முறை:

உருளைக்கிழங்கை வேகவைத்து, தோல் நீக்கி, நன்கு மசிக்கவும். இஞ்சி, பூண்டு, பச்சை மிளகாய், கொத்தமல்லித் தழை, எலுமிச்சைச் சாறு ஆகியவற்றை மிக்ஸியில் சேர்த்து, சிறிதளவு நீர் விட்டு நைஸாக அரைக் கவும். இதை மசித்த உருளைக்கிழங்குடன் சேர்த்து நன்கு கலக்கவும்.

சோள மாவு, பால், மைதா, மிளகுத்தூள், துருவிய சீஸ், சிறிதளவு உப்பு ஆகியவற்றை தண்ணீர் சேர்த்து பஜ்ஜி மாவு பதத்தில் கரைக்கவும். பிரெட் துண்டுகளின் ஓரங்களை நீக்கிவிட்டு, இரண்டாக நறுக்கவும். நறுக்கிய பிரெட் துண்டுகளின் மேல் உருளை மசாலாவைத் தடவி, அதன் மேலே சோள மாவு கலவையை பரப்பி, சூடான எண்ணெயில் பொரித்தெடுத்து… சுடச்சுட பரிமாறவும்.

Related posts

சீஸ் போண்டா

nathan

சுவையான மினி இட்லி ஃப்ரை!…

sangika

குல்கந்து ரவை அல்வா

nathan