தேவையான பொருட்கள்:
* காய்கறிகள் – 1 கப் (கேரட், பீன்ஸ், உருளைக்கிழங்கு, பச்சை பட்டாணி)
* பெரிய வெங்காயம் – 1 (நறுக்கியது)
* தக்காளி – 1 (நறுக்கியது)
* உப்பு – தேவையான அளவு
* தண்ணீர் – தேவையான அளவு
அரைப்பதற்கு…
* தேங்காய் – 1/4 கப் (துருவியது)
* பச்சை மிளகாய் – 2
* கசகசா – 1 1/2 டீஸ்பூன்
* பொட்டுக்கடலை – 1 1/2 டீஸ்பூன்
* பெரிய வெங்காயம் – 1/2
* மல்லி – 1/2 டீஸ்பூன்
* இஞ்சி – 1/2 இன்ச்
* பூண்டு – 2 பல்
* சீரகம் – 1/4 டீஸ்பூன்
* பட்டை – 1 இன்ச்
* கிராம்பு – 2
* ஏலக்காய் – 1
* கொத்தமல்லி – சிறிது
தாளிப்பதற்கு…
* எண்ணெய் – 2 டேபிள் ஸ்பூன்
* கடுகு – 1/2 டீஸ்பூன்
* உளுத்தம் பருப்பு – 1 டீஸ்பூன்
* கறிவேப்பிலை – சிறிது[penci_related_posts dis_pview=”no” dis_pdate=”no” title=”Inline Related Posts” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]
செய்முறை:
* முதலில் காய்கறிகளை நீரில் கழுவி, பொடியாக நறுக்கிக் கொள்ள வேண்டும்.
* பின் அரைப்பதற்கு கொடுத்துள்ள பொருட்களை மிக்சர் ஜாரில் போட்டு, நன்கு மென்மையாக பேஸ்ட் போல் அரைத்துக் கொள்ள வேண்டும்.
Karnataka Style Vegetable Kurma Recipe In Tamil
* பின்பு குக்கரை அடுப்பில் வைத்து, அதில் எண்ணெய் ஊற்றி சூடானதும், கடுகு, உளுத்தம் பருப்பு, கறிவேப்பிலை சேர்த்து தாளிக்க வேண்டும்.
* பின் அதில் பொடியாக நறுக்கிய வெங்காயம் மற்றும் தக்காளியை சேர்த்து வதக்க வேண்டும். பின் அதில் நறுக்கிய காய்கறிகளை சேர்த்து, சிறிது உப்பு தூவி வதக்க வேண்டும்.
* பிறகு அதில் அரைத்த விழுதை சேர்த்து பச்சை வாசனை போக வதக்க வேண்டும்.
* பின் ஒரு கப் நீரை ஊற்றி, குக்கரை மூடி 1 விசில் விட்டு இறக்கினால், சுவையான கர்நாடக ஸ்டைல் வெஜிடேபிள் குருமா தயார்.
