இரத்த விருத்திக்கு இரும்பு சத்து மிக அவசியமாகின்றது. பொதுவாக அசைவ உணவுகளில் இது மிகவும் நன்கு கிடைக்கின்றது. காய்கறிகளில் புடலை, சர்க்கரைவள்ளி கிழங்கு, பட்டாணி, ப்ரோகலி, கீரை போன்ற உணவுகளிலும், உலர்திராட்சை, சோயா பன்னீர், பருப்பு வகைகள் போன்றவைகளிலும் கிடைக்கின்றது.
இரும்பு சத்தில் ஹீம் இரும்பு, நான்ஹீம் இரும்பு என இரு வகைப்படுகின்றது. அசைவ உணவில் இருப்பது ஹீம் இரும்பு 30 சதவீதம் வரை எளிதாய் உடல் எடுத்துக் கொள்கின்றது. நான்ஹீம் இரும்பு தாவரவகை உணவில் உள்ளது. இதில் 2-10 சதவீதம் வரையே உடல் எடுத்துக் கொள்கின்றது.
வைட்டமின் சி தக்காளி, ஆரஞ்சு போன்ற உணவுகள் நான்ஹீம் இரும்பு சத்தினை நன்கு எடுத்துக் கொள்ளப்பட உதவுகின்றது. உலர் திராட்சை, மாதுளை இவற்றில் 30 சதவீதம் இரும்பு சத்து உள்ளது.
Follow Us
