என்னென்ன தேவை?
ஜவ்வரிசி – 1 கப், சோளம் – 1 கப்,
வெஜிடபுள் ஸ்டாக் கியூப் – 1,
சிவப்பு பச்சை மிளகாய் – 2 (பொடியாக நறுக்கியது),
பிராக்கோலி அண்ட் பாதாம் சூப் பவுடர் பாக்கெட் – 1/2 பாக்கெட் (அல்லது ரெடிமேட் சூப் பாக்கெட்),
பட்டர் – 1 டேபிள்ஸ்பூன்,
முழு வெங்காயத்தாள் – 1,
சோள மாவு – 1 டேபிள்ஸ்பூன்,
சோயா சாஸ் – 1 டீஸ்பூன்,
சர்க்கரை – 1/2 டீஸ்பூன்,
உப்பு – தேவைக்கு,
கொத்தமல்லி – சிறிது,
கருப்பு மிளகுத் தூள் (அ) வெள்ளை மிளகுத் தூள் – 1/2 டீஸ்பூன்.
எப்படிச் செய்வது?
ஜவ்வரிசியை களைந்து 15 நிமிடங்கள் தண்ணீரில் ஊற வைக்கவும். குக்கரில் ஊறிய ஜவ்வரிசி, சோளம், சோயா சாஸ், சிவப்பு பச்சை மிளகாய், வெங்காயத்தாள், சர்க்கரை, உப்பு, வெஜிடபுள் ஸ்டாக் கியூப், 3 டம்ளர் தண்ணீர் ஊற்றி 4, 5 விசில் விட்டு வேக வைக்கவும். வெந்த ஜவ்வரிசி மற்றும் கார்னை ஒரு வாயகன்ற சட்டியில் ஊற்றிக் கொதிக்க வைக்கவும். ஒரு டம்ளர் தண்ணீரில் பிராக்கோலி அண்ட் பாதாம் சூப் பவுடரை கரைத்து சூப்புடன் சேர்த்து மேலும் கொதிக்க விடவும். சோள மாவை 2 டேபிள்ஸ்பூன் தண்ணீரில் கரைத்து ஊற்றிக் கொதிக்கவிடவும். கடைசியாக கொத்தமல்லி, பட்டர் மற்றும் தேவைக்கு மிளகுத் தூள் சேர்த்து நன்கு கலக்கிப் பரிமாறவும்.
