வெண்டைக்காயுடன் புளி சேர்த்து செய்யும் இந்த வெண்டைக்காய் மண்டி சூப்பராக இருக்கும். இப்போது இதை எப்படி செய்வது என்று கீழே விரிவாக பார்க்கலாம்.
செட்டிநாடு ஸ்டைல் வெண்டைக்காய் மண்டி
தேவையான பொருட்கள்:
வெண்டைக்காய் – 1 1/2 கப்
சின்ன வெங்காயம் – 1 கப்
பூண்டு – 8 பல்
தக்காளி – 1
புளி – 1 எலுமிச்சை அளவு
உப்பு – தேவையான அளவு
ஊற வைத்து கழுவிய அரிசி நீர் – சிறிது
தாளிப்பதற்கு.
எண்ணெய் – 2 டீஸ்பூன்
கடுகு – 1/2 டீஸ்பூன்
வெந்தயம் – 1/4 டீஸ்பூன்
உளுத்தம் பருப்பு – 1/2 டீஸ்பூன்
சீரகம் – 1 1/2 டீஸ்பூன்
வரமிளகாய் – 2
பெருங்காயத் தூள் – 1 சிட்டிகை
கறிவேப்பிலை – சிறிது
செய்முறை:
* வெண்டைக்காயை பொடியாக நறுக்கி கொள்ளவும்
* சின்ன வெங்காயம், பூண்டை பொடியாக நறுக்கி கொள்ளவும்.
* ஊற வைத்து கழுவிய அரிசி நீரில் புளியை சிறிது நேரம் ஊற வைத்து, சாறு எடுத்துக் கொள்ள வேண்டும்.
* வாணலியை அடுப்பில் வைத்து, அதில் எண்ணெய் ஊற்றி காய்ந்ததும், தாளிப்பதற்கு கொடுத்துள்ள பொருட்களை சேர்த்து, தாளித்த பின் வெங்காயம், பூண்டு சேர்த்து பொன்னிறமாகும் வரை சிறிது நேரம் வதக்க வேண்டும்.
* பின்பு அதில் வெண்டைக்காயை சேர்த்து, அதில் உள்ள பிசுபிசுப்புத்தன்மை போகும் வரை வதக்க வேண்டும்.
* பிறகு வாணலியில் தக்காளியை சேர்த்து 2 நிமிடம் வதக்கி, வெண்டைக்காய் பாதியாக வெந்ததும் அத்துடன் புளிச்சாற்றினை ஊற்றி, தேவையான அளவு உப்பு சேர்த்து பச்சை வாசனை போக 10 நிமிடம் நன்கு கொதிக்க விட்டு இறக்கவும்.
* சூப்பரான செட்டிநாடு ஸ்டைல் வெண்டைக்காய் மண்டி ரெடி.
