சத்து நிறைந்த கொள்ளு வெஜிடபிள் சூப்

உடல் எடையை குறைக்க விரும்புபவர்கள் தினமும் உணவில் கொள்ளுவை சேர்த்து கொள்வது நல்லது. இன்று கொள்ளு, காய்கறிகளை வைத்து சூப் செய்முறையை பார்க்கலாம்.

சத்து நிறைந்த கொள்ளு வெஜிடபிள் சூப்
தேவையான பொருட்கள் :

ஊற வைத்த கொள்ளு – 100 கிராம்,
பூண்டு – 2 பல்,
பட்டை, லவங்கம் – தலா ஒன்று,
வெண்ணெய் – சிறிது,
மிளகுத்தூள் – ஒரு சிட்டிகை,
கேரட் – 1
கோஸ் – சிறிய துண்டு
உப்பு – தேவைக் கேற்ப.

செய்முறை :

* கேரட், கோஸை பொடியாக நறுக்கி கொள்ளவும்.

* கொள்ளு, பூண்டு, பட்டை, லவங்கம் நறுக்கிய காய்கள் இவற்றுடன் 4 கப் நீர் சேர்த்து குக்கரில் குழைய வேகவிடவும்.

* வேகவைத்தவற்றை நன்றாக மசித்து அதனுடன் தேவையான அளவு தண்ணீர் சேர்த்து வடிகட்டவும்.

* வடிகட்டிய சூப் சூடாக இருக்கும்போதே உப்பு, வெண்ணெய், மிளகுத்தூள் சேர்த்துப் பருகவும்.

* சத்து நிறைந்த கொள்ளு வெஜிடபிள் சூப் ரெடி.