உங்களுக்கு தெரியுமா இந்த ராசிக்காரங்க குழப்பம் ஏற்படுத்துறதுல சகுனியையே மிஞ்சிருவங்களாம் தெரியுமா?
அனைவரின் வாழ்க்கையிலும் குழப்பங்கள் இருக்கத்தான் செய்யும். குழப்பங்கள் நம் அன்றாட வாழ்க்கையில் சீரழிவு, தவறான புரிதல், வருத்தம் என அனைத்தையும் ஏற்படுத்துகிறது. இந்த குழப்பமான மனநிலைக்கு காரணம் அவர்களின் பிறந்த ராசி கூட ஒரு காரணமாக இருக்கலாம். குழப்பத்தால் ஏற்படும் நன்மை ஏதாவது இருக்கிறதா என்றால் இல்லை என்றுதான் கூறவேண்டும்.
குழப்பத்தை மனிதர்களால் கட்டுப்படுத்த முடியுமா என்றால் கண்டிப்பாக முடியும். சிலர் குழப்பங்கள் த்ரில்லை வழங்குவதாக நினைப்பார்கள், சிலர் குழப்பத்தை விரும்புவார்கள் ஏனெனில் குழப்பங்கள் சிலருக்கு சூதாட்டம் தரும் உற்சாகத்தை வழங்கும். நல்ல ஆலோசனையை வேண்டுமென்றே கேட்காதவர்கள் குழப்பத்தை விரும்புவார்கள். இப்படி ஏன் செய்கிறார்கள்? ஏனென்றால் அவர்கள் குழப்பத்தைப் பார்க்க விரும்புகிறார்கள், இது அவர்களுக்கு பொழுதுபோக்காக இருக்கும். இவர்கள் சிக்கலை உருவாக்கி அதில் வேடிக்கையை எதிர்பார்ப்பார்கள். எந்தெந்த ராசிக்காரர்கள் இப்படி குழப்பத்தை உருவாக்குபவர்களாக இருப்பார்கள் என்று பார்க்கலாம்.
விருச்சிகம் விருச்சிக ராசிக்காரர்கள் குழப்பத்தை விரும்புபவர்களாக மட்டுமின்றி அவர்கள் அதை விரும்புகிறார்கள் என்று நீங்கள் அறிய வேண்டுமென்றும் நினைப்பார்கள். குழப்பத்தை நேசிப்பதும் அதனை மக்களிடம் கொண்டு வருவதையும் இவர்களிடம் இருந்து நீங்கள் எதிர்பார்க்கலாம். இவர்கள் மிகவும் புத்திசாலிகள், அதிக அன்பானவர்கள் ஆனால் மற்றவர்களை கையாளுவதிலும், பொய்க்கூறுவதிலும், மயக்குவதிலும் பூமியில் இவர்களை மிஞ்ச யாரும் இல்லை. காதலில் மோசமான குழப்பத்தை இவர்கள் ஏற்படுத்துவார்கள், அதனைப்பற்றி அவர்கள் கவலைப்படுவதில்லை. இவர்களிடம் அதீத காதலை எதிர்பார்த்து இறுதியில் குழப்பத்துடன் காதல் முறிவு ஏற்பட வாய்ப்புள்ளது.
சிம்மம் பிடிவாதமான சிம்ம ராசிக்காரர்கள் தனக்கு என்ன வேண்டும், எப்போது வேண்டும் என்பதில் மட்டுமே கவனம் செலுத்துவார்கள், அதன் பின்விளைவுகளைப் பற்றி இவர்கள் ஒருபோதும் கவலைப்படமாட்டார்கள். இவர்கள் செயல்களில் குழப்பத்தை ஏற்படுத்துவார்கள். இவர்கள் புத்திக்கூர்மையும், தனக்கென தனி வழியும் கொண்டவர்கள். கற்பனை உலகிற்கும், நிஜ உலகிற்கும் இருக்கும் வித்தியாசத்தை அறியாதவர்கள் இவர்கள். இவர்கள் தாங்கள் விரும்புவதை அடைய தங்களின் வழியில் அனைத்து விதமான முயற்சிகளையும் செய்து கொண்டே இருப்பார்கள், அதனால் கண்டிப்பாக குழப்பங்கள் ஏற்படும், அதனால் யார் பாதிக்கப்பட்டாலும் இவர்கள் அதை நினைத்து கவலைப்படமாட்டார்கள். குழப்பங்கள் உணர்வுகளை புண்படுத்தும், பாதுகாப்பின்மையை ஏற்படுத்தும், பிறரின் நிம்மதியை கெடுக்கும் ஆனால் அதைப்பற்றிய புரிதல் இவர்களுக்கு இருக்காது. தன்னுடைய பொழுதுபோக்கிற்காக குழப்பத்தை ஏற்படுத்துவார்கள்.
மிதுனம் குழப்பங்களின் மிகப்பெரிய ரசிகர் என்றால் அது மிதுன ராசிக்காரர்தான். இவர்கள் என்னதான் நடக்கிறது என்று தெரிந்து கொள்ளும் ஆர்வத்தில் குழப்பங்களை உருவாக்குகிறார்கள். இவர்கள் ஆரம்பிக்கும் குழப்பம் எப்படி மாறும், அதனால் ஏற்படும் விளைவுகள் என்ன என்பதைப் பற்றி சிந்திக்க மாட்டார்கள். குழப்பங்கள்தான் இவர்களை உயிர்ப்புடன் வைத்திருக்கிறது. இவர்களின் தவறான முடிவுகளால் இவர்கள் நொடியில் உறவுகளை இழந்து விடுவார்கள். இவர்களின் அக்கறையின்மைக்கு இவர்கள் வைக்கும் பெயர் இப்போது மகிழ்ச்சியை இருந்தால் போதும் என்பதாகும். ஆனால் அதன் உண்மை என்னவென்றால் இவர்களின் செயல்கள் அனைத்தும் குழப்பமானவையாகும். இவர்கள் எப்பொழுதும் எதார்த்தத்தை ஏற்றுக்கொள்ள மாட்டார்கள்.
கன்னி கன்னி ராசிக்காரர்கள் குழப்பத்தை வெறுக்கிறார்கள், ஆனால் இவர்களின் தினசரி வாழ்வில் இவர்களே பல குழப்பங்களுக்கு காரணமாக இருப்பார்கள். கன்னி ராசிக்காரர்கள் எப்பொழுதும் தாங்கள் சொல்வதுதான் சரி என்று எண்ணம் கொண்டவர்கள், அது எந்த விஷயமாக இருந்தாலும் சரி. இவர்களுடன் உடன்படாத எவரையும் இவர்கள் கடுமையாக புண்படுத்துவார்கள். தாங்கள் சொல்வதுதான் சரி என்று நிரூபிக்க இவர்கள் எந்த எல்லைக்கும் செல்வார்கள், அதற்கான முழுக்கதையையும் உருவாக்குவார்கள். இவர்களை ஒருபோதும் முழுமையாக நம்பிவிடாதீர்கள். சரியாக இருக்க வேண்டும் என்ற இவர்களின் எண்ணம் உண்மையாக இருக்க வேண்டுமென்ற எண்ணத்தை விட வலிமையாக இருக்கும்.
ரிஷபம் ரிஷப ராசிகாரர்கள் எப்பொழுதும் உற்சாகமாக இருக்க வேண்டுமென்று நினைப்பார்கள். இவர்களை பொறுத்தவரை குழப்பங்கள்தான் மகிழ்ச்சியை வழங்குவதாக நினைப்பார்கள். இதனால் அவர்கள் குழப்பங்களை விரும்புவதில் ஆச்சரியம் ஒன்றுமில்லை. குழப்பம் கட்டுப்பாடின்மை, கட்டுப்பாடற்ற சூழ்நிலை, எதிர்பாராத முடிவுகள் ஆகியவற்றை குறிக்கிறது. வரவிருக்கும் விஷயங்களை அவர்களால் கட்டுப்படுத்த முடியாது என்ற எண்ணம் இது, இந்த கட்டுப்பாட்டு-குறும்பு உலகில், உண்மையில் என்ன வரப்போகிறது என்று தெரியாமல் இருப்பது புதிய காற்றின் சுவாசம் போன்றது. எங்கெல்லாம் குழப்பங்கள் ஏற்படுகிறதோ அங்கெல்லாம் இவர்கள் இருப்பார்கள். எரிகிற நெருப்பில் பெட்ரோலை ஊற்ற இவர்கள் எப்போதும் தயாராக இருப்பார்கள்.
