சிறு பருப்பு முறுக்கு

என்னென்ன தேவை?

பச்சரிசி மாவு – 4 கப்,
வேகவைத்த சிறு பருப்பு – 1 கப்,
ஓமம் – 1 டீஸ்பூன்,
எண்ணெய் – 2 டேபிள் ஸ்பூன்,
எள்ளு – 2 டீஸ்பூன்,
பெருங்காயம் – ஒரு சிட்டிகை,
பச்சை மிளகாய் பேஸ்ட் – 1 டீஸ்பூன்,
எண்ணெய், உப்பு – தேவைக்கு,
மஞ்சள் – ஒரு சிட்டிகை.
எப்படிச் செய்வது?

சிறு பருப்பை ஒன்றரை கப் தண்ணீரில் போட்டு வேகவைத்து, மசித்துக் கொள்ளவும். இத்துடன் மஞ்சள், பெருங்காயம், பச்சை மிளகாய் விழுது, தேவையான உப்பு, அரிசி மாவு, எள்ளு, ஓமம் இத்துடன் 2 மேசை கரண்டி எண்ணெயை காய வைத்து சேர்த்து தேவையான தண்ணீருடன் கலந்து முறுக்கு மாவு பதமாக பிசைந்து, முறுக்கு அச்சில் போட்டு மிதமான காய்ந்த எண்ணெயில் முறுக்காக பிழிந்து எடுக்கவும். சிறிது ஆறிய பின் டப்பாவில் போட்டு வைக்கவும். மிகவும் கரகரப்பாக இருக்கும்.