பெண்களே தெரிஞ்சிக்கங்க… குழந்தை வேண்டும் என்ற ஆசை இருந்தும் கரு தங்குவதில்லையா.?
குழந்தைப்பேறு என்பது எல்லாத் தம்பதிகளும் வேண்டும் விரும்பும் பொதுவான ஒரு விஷயம்தான். பலர் இந்த விஷயமாக ஆசீர்வதிக்கப்பட்டாலும் சிலருக்கு இந்த சந்தோஷம் எளிதாகக் கிடைத்துவிடுவதில்லை.. எல்லா விரல்களும் ஒன்றுபோல இருப்பதில்லை இல்லையா? அதுபோலத்தான் எல்லா தம்பதிகளுக்கும் இந்த விஷயம் ஒரே சமயம், தாங்கள் எதிர்பார்ப்பது போல நடந்துவிடும் என்று சொல்லிவிட முடியாது.
இன்றும் சரி, அன்றும் சரி… திருமணமான தம்பதிகளுக்கு அவர்களுடைய குடும்பங்கள் கொடுக்கும் அதிகப்படியான அவகாசம் மூன்று மாதங்கள்தான். அதன் பிறகு ‘இன்னும் உண்டாகலையா..?’ என்கிற கேள்விகளால் அந்தத் தம்பதியை அரித்தெடுக்கத் தொடங்கி விடுகிறார்கள். அவர்களுடைய உறவினர்களும் நண்பர்கள் வட்டமும்.
குழந்தையின்மைக்கு பல காரணங்கள் சொல்லப்பட்டாலும் இவை அனைத்துக்கும் இன்றைய நவீன மருத்துவத்தில் சிகிச்சை உண்டு.
பெண்ணின் இனப்பெருக்க மண்டலத்தில் இரு முட்டை பைகள், இரு கருக்குழாய்கள், கருப்பை, கருப்பை வாய் மற்றும் யோனி உள்ளது. இதனுடன் ஆணின் நல்ல விந்தணுக்களும் மரபணுக்களும் சேரவேண்டும். இந்த உறுப்புகள் நல்ல அமைப்புடனும் மற்றும் செயற்பாட்டுடனும் இருந்தால் குழந்தைபேறு ஒரு பிரச்சினையாகாது.
