உங்கள் வீட்டில் பாஸ்தா மற்றும் முட்டை இருக்கிறதா? எனவே அதைக் கொண்டு அருமையான, சுவையான மற்றும் ஆரோக்கியமான ரெசிபிகளை செய்யுங்கள். முட்டை கொத்து பாஸ்தா. செய்வது மிகவும் எளிது. குழந்தைகள் முதல் பெரியவர்கள் வரை அனைவரும் ரசித்து சாப்பிடுவார்கள்.
எப்படி என்று தெரிந்து கொள்ள வேண்டுமா? முட்டை மாஸ் பாஸ்தாவிற்கான எளிய செய்முறை இங்கே. படித்து சுவைத்து உங்கள் கருத்துக்களை எங்களுடன் பகிர்ந்து கொள்ளுங்கள்.
தேவையான பொருட்கள்:
* பாஸ்தா – 1 கப்
* முட்டை – 2
* பெரிய வெங்காயம் – 1 (பொடியாக நறுக்கியது)
* தக்காளி – 1 (பொடியாக நறுக்கியது)
* மிளகாய் தூள் – 1 டீஸ்பூன்
* கரம் மசாலா – 1/2 டீஸ்பூன்
* கொத்தமல்லி – சிறிது
* உப்பு – சுவைக்கேற்ப
* தண்ணீர் – தேவையான அளவு
தாளிப்பதற்கு…
* எண்ணெய் – 2 டீஸ்பூன்
* சீரகம் – 1/2 டீஸ்பூன்
* பொடியாக நறுக்கிய பூண்டு – 1 1/2 டீஸ்பூன்[penci_related_posts dis_pview=”no” dis_pdate=”no” title=”” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]
செய்முறை:
* முதலில் ஒரு பாத்திரத்தில் பாஸ்தா வேக வைப்பதற்கு தேவையான அளவு நீரை ஊற்றி அடுப்பில் வைத்து நன்கு கொதிக்க ஆரம்பித்ததும், அதில் பாஸ்தாவை சேர்த்து மென்மையாக வேக வைத்து இறக்கி, நீரை வடிகட்டிவிட்டு, குளிர்ந்த நீரில் ஒருமுறை அலசி தனியாக வைத்துக் கொள்ள வேண்டும்.
* பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், சீரகம் மற்றும் பூண்டு சேர்த்து தாளிக்க வேண்டும்.
* பின்பு அதில் வெங்காயத்தை சேர்த்து நன்கு வதக்கி, பின் தக்காளியை சேர்த்து நன்கு மென்மையாக வதக்க வேண்டும்.
* அடுத்து அதில் மிளகாய் தூள், கரம் மசாலா சேர்த்து, சுவைக்கேற்ப உப்பு சேர்த்து நன்கு பச்சை வாசனை போக வதக்க வேண்டும்.
* பிறகு அதில் முட்டைகளை உடைத்து ஊற்றி நன்கு கிளறி விட வேண்டும்.
* முட்டையில் உள்ள நீர் ஓரளவு வற்ற ஆரம்பிக்கும் போது, அதில் வேக வைத்துள்ள பாஸ்தாவை சேர்த்து 2 நிமிடம் நன்கு கிளறி விட்டு, மேலே கொத்தமல்லியைத் தூவி இறக்கினால், சுவையான முட்டை கொத்து பாஸ்தா தயார்.
